ជំងឺទូទៅ

៣ ដំណាក់កាល​នៃ​អាការៈ​ជំងឺ​អេដស៍ ដែល​អាច​កើតឡើង​ដោយ​មិន​ដឹង​ខ្លួន​

​ដោយ​យោង​ទៅតាម​គេហទំព័រ AIDS.gov បានឲ្យដឹងថា ប្រហែលជា​មាន​មនុស្ស​ប្រមាណ ៣៦,៧​លា​នាក់​ទូទាំង​ពិភពលោក​កំពុងតែ​រស់នៅ​ជាមួយ​នឹង​ជំងឺអេដស៍ និង ១,៨​លាន​នាក់​ទៀត គឺ​ជា​កុមារ​ដែល​ឆ្លង​ជំងឺ​នេះ​ពី​ម្តាយ​របស់​ពួកគេ​។

​ដូច្នេះ ដើម្បី​បង្កើន​ការយល់ដឹង​កាន់តែច្បាស់ និង​ជួយ​អ្នក​រក​ឃើញ​ជំងឺ​នេះ​កាន់តែ​លឿន​នោះ យក​ល្អ​គួរតែ​ស្វែងរ​យល់​អំពី​រោគសញ្ញា​ទៅតាម​ដំណាក់កាល​របស់​វា​ដូចខាងក្រោម​នេះ​៖

ដំណាក់កាល​ទី​១
រោគសញ្ញា​នៃ​ការបង្ក​រោគ​អេដស៍​ប្រហែលជា​មិន​កើត​ឡើង​ភ្លាមៗ​រយៈពេល​ច្រើន​ឆ្នាំ​ឯណោះ ប៉ុន្តែ​អ្នកជំងឺ​ភាគច្រើន​នឹង​មាន​អាការៈ​ដូចជំ​ងឺ​ផ្តាសាយ​រយៈពេល ២ ទៅ​៤​សប្តាហ៍ ក្រោយ​ពី​ឆ្លង​ជំងឺ​នេះ​រួច​។​

ការឈឺ​ក្បាល ក្តៅខ្លួន អស់កម្លាំង ហើម​កូនកណ្តុរ ឈឺ​សន្លាក់ និង​ឡើង​កន្ទួល​រមាស់​លើ​ស្បែក​សុទ្ធតែ​ជា​សញ្ញា​របស់​ជំងឺអេដស៍​ហើយ​។ ប៉ុន្តែ​វា​ក៏​អាច​ជា​អាការៈ​ញឹកញាប់​នៃ​ជំងឺ​ផ្តាសាយ​ធម្មតាៗ​ដែរ ដូច្នេះ បើសិន​ជា​អ្នក​មាន​អាការៈ​ទាំងឡាយណា​ដែល​ធ្វើឲ្យ​សង្ស័យថា​មាន​ជំងឺអេដ​ស៍​ហើយ យក​ល្អ​គួរតែ​ធ្វើ​តេស្ត​រក​ជំងឺ​នេះ​ឲ្យបាន​លឿន​បំផុត​តាម​តែ​អាច​ធ្វើបាន​។​

ដំណាក់កាល​ទី​២
ក្រោយ​ពី​ចាប់ផ្តើម​ចេញ​រោគសញ្ញា​ជំងឺ​ផ្តាសាយ វា​ប្រហែលជា​មាន​រយៈពេល​ច្រើន​សប្តាហ៍​ឯណោះ ហើយក៏​ជា​ពេលវេលា​ដែល​វីរុស​ស្ថិត​ក្នុង​ដំណាក់កាល​សម្ងំ​ដែល​មិន​អាច​បង្ហាញ​អំពី​រោគសញ្ញា​របស់​វា​ឲ្យ​យើង​ដឹង​ទេ​។ ស្ថិត​ក្នុង​ដំណាក់កាល​នេះដែរ អាការៈ​ផ្តាសាយ​នឹង​មាន​រយៈពេល​យូរ​រហូត​បើសិនជា​មិន​មាន​ការព្យាបាល​ដោយ​ថ្នាំ​ជំងឺអេដស៍​ទេនោះ​។

ដំណាក់កាល​ទី​៣
ស្ថិត​ក្នុង​ដំណាក់កាល​ទី ៣​នេះហើយ មានន័យ​ថា អ្នកជំងឺ​ចេញ​ជា​រោគសញ្ញា​ពេញលេញ​ជា​អ្នក​ជំងឺអេដស៍​ហើយ​។ ជាធម្មតា វា​ច្រើនតែ​ធ្វើឲ្យ​អ្នក​ជំងឺ​ស្លាប់​បាន​ក្នុង​រយៈពេល ២ ទៅ​៣​ឆ្នាំក្រោយ​។ ករណី​ជំងឺ​អេដស៍​ធ្ងន់​ធ​ញ​ងរ ភាគ​ច្រើន​អាច​សម្គាល់​ដឹង​តាមរយៈ ឧស្សាហ៍​អស់កម្លាំង​ខ្លាំង និង​ស្រក​ទម្ងន់​ខ្លាំង​។ អ្នក​ជំងឺអេដស៍​ក៏​ប្រហែលជា​មាន​អា​ការៈរាករូ​សរយៈពេល​យូរ (​ច្រើន​ជាង​ពីរ​សប្តាហ៍​ឯណោះ​) រលាក​សួត អស់កម្លាំង​ខ្លាំង ចេញ​ជា​ជំងឺ​ប៉េស (​ពងបែក​នៅ​មាត់ និង​ប្រដាប់​ភេទ​) ក្អក​ជាប់​រហូត បែកញើស​ពេលយប់​ធ្ងន់ធ្ងរ ភ្លេច​ភ្លាំង លើក​ស្នាម​អ៊ុចៗ ឬ​កន្ទួល​លើ​ស្បែក​ពណ៌​ក្រហម ត្នោត ក្រហម ឬ​ស្វាយ​។ ប៉ុន្តែ​មិនមែន​មានន័យថា រាល់​អ្នក​ជំងឺអេដស៍​ទាំង​អស់​សុទ្ធតែ​មាន​អាការៈ​ទាំងអស់​ដូចខាងក្រោម​នេះ​ទេ តែ​ភាគច្រើន​នឹង​មាន​នៅ​ថ្ងៃ​ណាមួយ​។

បើសិនជា​រកឃើញ​ជំងឺអេដស៍​ទាន់ពេលវេលា មេរោគ​របស់​វា​នឹង​មិន​អាច​វិវឌ្ឈន៍​ទៅ​ក្លាយទៅជា​ជំងឺ​បានលឿនឡើយ ព្រោះតែ​មាន​ការ​ព្យាបាល​បាន​ទាន់​ពេលវេលា​ដើម្បី​ពន្យា​។ យ៉ាងណាមិញ អ្នក​ជំងឺអេដស៍​ត្រូវកា​រ​លេបថ្នាំ​ពន្យា​ជំងឺ​នេះ​អស់​មួយ​ជីវិត​តែ​ម្តង​ទើប​អាច​មាន​ជីវិត​រស់នៅ​ធម្មតា​ដូច​គេ​ដូច​ឯង​បាន​។ អ្វី​ដែល​ត្រូវ​ចងចាំ​នោះ កាលណា​មនុស្ស​ម្នាក់​ឆ្លង​ជំងឺ​អេដស៍​ហើយ គឺ​មិន​អាច​មាន​ថ្នាំ​ណា​ព្យាបាល​ឲ្យ​ជា​នៅឡើយ​ទេ ប៉ុន្តែ​ថ្នាំ​អាច​ជួយ​ឲ្យ​ពួក​គេរ​ស់​បាន​យូរ​៕

ប្រែ​សម្រួល​៖ វេ​ជ្ជ​. ម៉េង សុខ​សៀន​
​ប្រភព​៖ familyshare

ត្រួតពិនិត្យដោយ www.health.com.kh

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 085 456 289

ថ្ងៃទី16  ធ្នូ ឆ្នាំ 2016

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

Free Download

App Store Google play