សុខភាពកុមារ

រោគសញ្ញា​ព្រមាន ដែល​អ្នក​ត្រូវ​នាំ​កូន ទៅ​មន្ទីរពេទ្យ​បន្ទាន់​

​ក្មេង​តូចៗ​ងាយ​នឹង​ឈឺ​ខ្លាំងណាស់ ពីព្រោះ ប្រព័ន្ធ​ការពារ​រាងកាយ​របស់គេ មិនទាន់​លូតលាស់​បាន​ពេញលេញ ហើយ​នៅ​ខ្សោយ​ទៀត​ផង​។ រោគសញ្ញា​ជាក់លាក់​មួយចំនួន ជាពិសេស សម្រាប់​ក្មេង​ដែល​មាន​សុខភាព​ទន់ខ្សោយ គឺជា​ក្តី​កង្វល់ និង​ជា​សញ្ញា​ព្រមាន ដែល​ឪពុក​ម្តាយ​គួរតែ​យកចិត្តទុកដាក់ ហើយ​ប្រញាប់​នាំ​កូន​ទៅ​ពិគ្រោះ ជាមួយនឹង​គ្រូពេទ្យ​ជំនាញ​ជា​បន្ទាន់​។​

​សូម​ក្រឡេក​មើល​សញ្ញា និង​រោគសញ្ញា​ធ្ងន់ធ្ងរ ដែល​អ្នក​ត្រូវ​នាំ​កូន​ទៅ​ពេទ្យ ៖

​ខ្វះ​ជាតិ​ទឹក​
​ជំងឺ​នេះ​នឹង​ធ្វើឲ្យ​ភ្នែក និង​ស្បែក​របស់​កូន​ឡើង​ស្រ​អាប់ ស្លេក ឬ​ប្រេះ​បែក​ស្រកា​។ ក្រៅពីនេះ កូន​របស់​អ្នក ក៏​មិនសូវ​នោម​ផងដែរ (​តិច​ជាង​បី​បួន​ដង​ក្នុង​មួយ​ថ្ងៃ​)​។​

​ក្តៅ​ខ្លាំង​
​សម្រាប់​ទារក​ទើប​នឹង​កើត ការ​ក្តៅខ្លួន គឺជា​អ្វី​ដែល​អ្នក​ត្រូវ​ប្រុងប្រយ័ត្ន និង​ត្រូវ​ហៅ​គ្រូពេទ្យ​ឲ្យ បាន​លឿន​បំផុត​។ សម្រាប់​ក្មេង​ពី ៣ ទៅ ៦ ខែ ការ​ក្តៅខ្លួន​ខ្លាំង លើសពី ៣៩ អង្សារ​សេ ក៏​ជា​ក្តីកង្វល់ ហើយ​ទាមទារ​ការ​ពិនិត្យ​ឲ្យបាន​ជា​ក់​លាក់​ផងដែរ​។​

​ពិបាក​ដកដង្ហើម​
​វា​គឺជា​អាការៈ​ធ្ងន់ធ្ងរ​មួយ ដែល​អ្នក​ត្រូវ​តែ​នាំ​កូន​ទៅកាន់​មន្ទីរពេទ្យ​ជំនាញ​ជា​បន្ទាន់​។​

​មិន​ញ៉ាំ​អាហារ​
​ក្មេង​ដែល​លែង​ឃ្លាន​អាហារ និង​សូវ​ញ៉ាំ​ទឹក ងាយ​នឹង​ធ្វើឲ្យ​សុខភាព​គេ​ចុះ​ខ្សោយ​លឿន​ខ្លាំង​ណាស់ ដូច្នេះ ចូរ​ប្រញាប់​នាំ​កូន​ទៅ​ពេទ្យ​៕

​អត្ថបទ ៖ វេជ្ជបណ្ឌិត ឈឹម សៅភារ៉ា​

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 085 456 289

ថ្ងៃទី   ឆ្នាំ

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

ព័ត៌មានផ្សេងៗទៀត

Free Download

App Store Google play