សិច

ដឹង​អត់ថា បុរស​ដែល​បាន​លិឍ​ជា​លើកដំបូង​ហេតុ​អ្វី​ឆាប់​បញ្ចប់​ការ​រួមភេទ​លឿន​ម្លេះ​?

​ក្នុងនាម​ជា​បុរស​ដូចគ្នា ខ្ញុំ​សូម​ហែកកេរ្តិ៍​ខ្លួនឯង​បន្តិច​ទៅ​ចុះ​។ ធម្មតា​លើកដំបូង​ដែល​អ្នក​បាន​រួមភេទ វា​អាច​ជា​ពេលវេលា​មួយ​មាន​ភាព​តក់ស្លុត​ខ្លាំងណាស់ ព្រោះ​ថា​សម្រាប់​បុរស គឺ​ត្រូវការ​ពេលវេលា​ច្រើន​ដើម្បី​អនុវត្ត​លើ​រឿងនេះ ដូច្នេះ សម្រាប់​ការ​រួមភេទ​ជា​លើកដំបូង គឺ​ដឹង​ថា​ចៀស​មិន​ផុត​ពី​ការ​ឆាប់​ចេញ​ទឹកកាម និង​បញ្ចប់​ការ​រួមភេទ​ណាស់ ហើយ​វា​ពិតជា​ប៉ះពាល់​ដល់​ខាង​ស្រី​ខ្លាំង​ណាស់​ដែរ​ហើយ​។ ចង់ដឹងថា ហេតុអ្វី​បានជា​អញ្ចឹង​នោះទេ​? វា​ក៏​ព្រោះតែ​ហេតុផល​ពីរ​ចំណុច​ខាង​ក្រោម​នេះឯង​៖

ឆាប់​ចេញ​ទឹកកាម​ពេក​
ពេលខ្លះ សម្ពាធ​នៃ​ការ​រួមភេទ​សម្រាប់​ពេល​វេលា​ដំបូង​បំផុត អាច​នឹង​ធ្វើឲ្យ​អ្នក​មាន​បញ្ហា​នៃ​ការឡើង​រឹង​របស់​លិង្គ ឬ​ឆាប់​ចេញ​ទឹកកាម​តែម្តង​។ បញ្ហា​នេះ​ច្រើន​តែ​កើតមាន​ជា​ញឹកញាប់​ដោយសារ​តែ​របៀប​ដែល​អ្នក​យល់ថា ការ​រួមភេទ​មាន​លក្ខណៈ​ខ្លាំងក្លា​ពេក​សម្រាប់​ពេលវេលា​ដំបូង​បែបនេះ​។ បើសិន​ជា​អ្នក​ពិតជា​ឆាប់​ចេញ​ទឹកកាម​ពេក​បែប​នេះ ក៏​មិន​បាច់​បារម្ភ​ដែរ ព្រោះ​វា​នឹង​ធ្វើឲ្យ​អ្នក​មានបទពិសោធន៍​នៅ​ថ្ងៃក្រោយ ហើយ​រាងកាយ​នឹង​កែប្រែ​ស្ថានភាព​នេះ​ដោយ​ខ្លួនឯង​ជាមិនខាន​។

លិង្គ​មិន​ព្រម​ឡើង​រឹង​សោះ​
បញ្ហា​មួយ​ផ្សេងទៀត ដែល​អ្នក​អាច​ប្រឈម​មុខ​ដែរនោះ​គឺ ភាព​ខ្សោយ​របស់​លិង្គ ឬ​លិង្គ​មិន​ព្រម​ឡើង​រឹង​តែម្តង​។ រឿង​នេះ​ភាគច្រើន​កើតឡើង​ដោយសារតែ​សម្ពាធ​ខាង​ផ្នែក​ចិត្តសាស្ត្រ​សម្រាប់​ពេល​វេលា​ជា​លើកដំបូង​របស់​អ្នក​តែម្តង ហើយ​អ្នក​ក៏​មិន​បាច់​បារម្ភ​ដែរ ព្រោះ​វា​នឹង​ដោះស្រាយ​វិញ​ដោយ​ខ្លួនឯង​ទេ​។ យ៉ាងណាមិញ បើសិន​វា​នៅតែ​បន្ត​ទៀត យក​ល្អ​គួរតែ​ពិគ្រោះ​ជាមួយ​គ្រូពេទ្យ​ហើយ ព្រោះ​វា​អាច​ជា​អាការៈ​មួយ​នៃ​ជំងឺ​ទឹកនោម​ផ្អែម ឬ​ជំងឺ​បេះដូង​៕

ប្រែ​សម្រួល​៖ វេ​ជ្ជ​. ម៉េង សុខ​សៀន​
​ប្រភព​៖ thehealthsite

ត្រួតពិនិត្យដោយ www.health.com.kh

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 989 034

ថ្ងៃទី18  មករា ឆ្នាំ 2017

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

Free Download

App Store Google play