សុខភាពបុរស

រោគសញ្ញា​មួយចំនួន បង្ហាញថា បុរស មាន​បញ្ហា​ផ្លូវភេទ​

​បញ្ហា​ផ្លូវភេទ​របស់​បុរស បាន​លេច​ចឡើង​តាម​រូបភាព​ផ្សេងៗ ដោយ​អាចជា​បញ្ហា​បញ្ចេញ​ទឹកកាម និង​បញ្ហា​លិង្គ មិន​ឡើង​រឹង ជាដើម​។ ដូច្នេះ​តើ​គ្រូពេទ្យ​នឹងធ្វើ​អ្វីខ្លះ ដើម្បី​រក​រោគវិនិច្ឆ័យ​នៃ​បញ្ហា​ផ្លូវភេទ​របស់​បុរស​?

​ដើម្បី​វាយតម្លៃ ឬ​ធ្វើ​រោគវិនិច្ឆ័យ​ថា បុរស​ម្នាក់ មាន​បញ្ហា​ផ្លូវភេទ វេជ្ជបណ្ឌិត​អាច​នឹង​សាកសួរ​អំពី​ប្រវត្តិ​ជំងឺ ក៏ដូចជា​រោគសញ្ញា​ផ្សេងៗ ដែល​អ្នក​បាន​ឆ្លងកាត់​។ ដូច្នេះ វា​ជា​ចាំបាច់​ណាស់ ដែល​អ្នក​គិត​អោយ​ហើយ អំពី​ភាព​លម្អិត​នៃ​បញ្ហា ដែល​អ្នក​កំពុង​តែមាន ដើម្បី​រាយការណ៍​ប្រាប់​ដល់​គ្រូពេទ្យ​។​

​អ្នកជំនាញ ក៏​អាច​ស្នើ​សុំអោយ​អ្នកធ្វើ​តេស្ត​មួយចំនួន​ផងដែរ ដើម្បី​រកអោយឃើញ​ច្បាស់​ពី​បញ្ហា​សុខភាព​របស់​បុរស ដែល​អាច​បណ្តាលអោយមាន​វិបត្តិ​ផ្លូវភេទ​។ បុរស​មាន​បញ្ហា​ផ្លូវភេទ អាច​ជួប​វេជ្ជបណ្ឌិត ខាង​តម្រង់​នោម (urologist) វេជ្ជបណ្ឌិត​ឯកទេស​ខាង​បញ្ហា​អ័រម៉ូន វេជ្ជបណ្ឌិត​ផ្នែក​សរសៃប្រសាទ ( វេជ្ជបណ្ឌិត​ដែល​ជំនាញ​ខាង​បញ្ហា​ប្រព័ន្ធ​សរសៃវិញ្ញាណ ឬ​សរសៃប្រសាទ និង ខួរក្បាល​) អ្នក​ព្យាបាល​បញ្ហា​សិច (sex therapists) និង​អ្នក​ប្រឹក្សា​យោបល់​ផ្សេងៗ​ទៀត បើ​ចាំបាច់​។​

​តើ​អ្នក​ត្រូវ​ធ្វើតេស្ត​អ្វីខ្លះ ដើម្បី​វាយតម្លៃ​ពី​បញ្ហា​សុខភាព​ផ្លូវភេទ​?
​ការធ្វើ​តេស្ត​មួយចំនួន អាច​ត្រូវបាន​អនុវត្ត ដើម្បី​វាយតម្លៃ​អំពី​មូលហេតុ និង​ការរីកដុះដាល​នៃ​បញ្ហា​ផ្លូវភេទ​របស់​បុរស​។ តេស្ត​ទាំងនោះ រួមមាន ការធ្វើ​តេស្ត​ឈាម វាយតម្លៃ​សរសៃឈាម ទាក់ទង​ទៅនឹង​ការពិនិត្យ​មើលទៅ​លើ​លំហូរ​ឈាម (blood flow) ទៅកាន់​លិង្គ (penis) តេស្ត​លើ​វិញ្ញាណ ដោយ​តេស្ត​នេះ មាន​សារៈសំខាន់ ក្នុងការ​ត្រួតពិនិត្យ​ការ​ងើបឡើង​រឹង​របស់​លិង្គ អំឡុងពេល​បុរស​គេង​លក់ ដើម្បី​បញ្ជាក់ថា បញ្ហា​នេះ ដោយសារតែ​កត្តា​រាងកាយ ឬ​កត្តា​ចិត្តសាស្ត្រ​៕​

www.health.com.kh

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 989 034

ថ្ងៃទី13  កញ្ញា ឆ្នាំ 2017

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

ព័ត៌មានផ្សេងៗទៀត

Free Download

App Store Google play