សុខភាពកុមារ

ចង់ឲ្យកូនបន្ថយការមើលទូរស័ព្ទ ឬលេងហ្កែម អ្នកត្រូវធ្វើខ្លួនឯងជាគម្រូមុនសិន

ក្មេងៗរៀនតាមគម្រូ ដែលជាញឹកញាប់ ចម្លងអាកប្បកិរិយារបស់មនុស្សពេញវ័យ ជាពិសេសគឺឪពុកម្តាយនេះតែម្តង។

ឪពុកម្តាយភាគច្រើនតែងតែមានកំហុសដោយផ្ទាល់ ឬដោយប្រយោល នៅពេលកូនៗរបស់ពួកគេប្រើប្រាស់ទូរស័ព្ទ លេងហ្គែម មើលទូរទស្សន៍ ឬលេងអ៊ិនធឺណិតច្រើនម៉ោងក្នុងមួយថ្ងៃៗ ជំនួសឲ្យការប្រាស្រ័យទាក់ទងជាមួយពិភពលោកពិតប្រាកដ និងមនុស្សនានាជុំវិញខ្លួន។ ការប្រើប្រាស់ប្រព័ន្ធឌីជីថលលើសកម្រិតអាចប៉ះពាល់ដល់ការរីកចម្រើនខាងសង្គម ផ្លូវចិត្ត និងបញ្ញារបស់កុមារ។

អ្នកជំនាញផ្នែកអភិវឌ្ឍកុមារជាច្រើនបានជំរុញឲ្យឪពុកម្តាយទាំងអស់គួរស្វែងរកវិធីការពារ ឬដោះស្រាយចំពោះបញ្ហានេះឲ្យបានឆាប់រហ័ស។

ក្នុងនាមជាឪពុកម្តាយ យើងមានឱកាសណែនាំកូនៗរបស់យើង ដើម្បីឲ្យពួកគេអាចផ្លាស់ប្តូរទម្លាប់អាក្រក់ៗចោល។

កុមារតូចៗមិនគួរមានទូរស័ព្ទ ឬទូរទស្សន៍ផ្ទាល់ខ្លួននៅក្នុងបន្ទប់គេងរបស់ពួកគេទេ ហើយសូម្បីតែក្មេងជិតជំទង់ក៏ដោយ។

ដំណោះស្រាយចំបង ដែលអ្នកអ្នកធ្វើបាន គឺធ្វើជាគម្ររបស់កូន។ ចូរកាត់បន្ថយការប្រើប្រាស់ទូរស័ព្ទ កុំព្យូទ័រ និងការមើលទូរទស្សន៍នៅចំពោះមុខកូន៕

អត្ថបទ ៖ ឈឹម សៅភារ៉ា
ប្រភព ៖ www.nhs.uk

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 989 034

ថ្ងៃទី11  មេសា ឆ្នាំ 2018

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

ព័ត៌មានផ្សេងៗទៀត

Free Download

App Store Google play