ថ្នាំដែលត្រូវប្រុងប្រយ័ត្នបំផុត ខណៈកំពុងមានផ្ទៃពោះ

គ្រូពេទ្យជំនាញរបស់អ្នក ប្រាកដជាបានណែនាំអ្នកហើយ ថាតើត្រូវប្រុងប្រយ័ត្ន និងចៀសវាងការប្រើប្រាស់ថ្នាំដោយគ្មានវេជ្ជបញ្ជា ទោះបីជាថ្នាំប្រភេទណាក៏ដោយ ជាពិសេស អំឡុងពេលត្រីមាសដំបូងនៃការមានផ្ទៃពោះ។ ការប្រើប្រាស់ថ្នាំដោយគ្មានវេជ្ជបញ្ជាច្បាស់លាស់ អាចជួយឲ្យស្រ្តីធូរស្រាលពីជំងឺណាមួយ ប៉ុន្តែ វានឹងធ្វើឲ្យគ្រោះថ្នាក់ ដល់ទារកដែលនៅក្នុងផ្ទៃពោះ។

ជាការពិត ថ្នាំដែលអ្នកធ្លាប់ប្រើប្រាស់ និងកំពុងប្រើប្រាស់រាល់ថ្ងៃ ត្រូវតែឆ្លងកាត់ការត្រួតពិនិត្យម្តងទៀត ពីសំណាក់គ្រូពេទ្យជំនាញ ដើម្បីប្រាកដថា វាមានសុវត្ថិភាពចំពោះអ្នក និងកូន។ អ្នកក៏ប្រហែលជាត្រូវបញ្ឈប់ ឬផ្លាស់ប្តូរថ្នាំមួយចំនួនផងដែរ។

ថ្នាំដែលស្រ្តីមានផ្ទៃពោះ គួរចៀសវាងមានដូចជា ៖

•    Aspirin
•    Ibuprofen (Motrin, Advil)
•    ថ្នាំរុក្ខជាតិ សារធាតុរ៉ែ និងអាហារបំប៉នមួយចំនួន 
•    Isotretinoin (Accutane, Absorica, Amnesteem, Claravis, Myorisan, Zenatane) សម្រាប់ព្យាបាលមុន 
•    Thalidomide (Thalomid) សម្រាប់ព្យាបាលជំងឺស្បែក។ល៕