ការរមួលពងស្វាសភាគច្រើនតែងតែតម្រូវអោយធ្វើការវះកាត់។ ក្នុងករណីកម្រ, គ្រូពេទ្យអាចដោយធ្វើអោយខ្សែនៃបំពង់ទឹកកាមរលាមកវិញដោយការពិនិត្យលើរាងកាយនៃស្រោមពងស្វាស ប៉ុន្តែជាទូទៅ ការវះកាត់នឹងនៅតែចាំបាច់ដើម្បីតភ្ជាប់ពងស្វាសម្ខាង ឬទាំងសងខាងទៅនឹងស្រោមពងស្វាសដើម្បីការពារការរមួលនេះកើតមានឡើងម្តងទៀត។
ជាធម្មតា, ប្រសិនបើកូនប្រុសរបស់អ្នកមានការរមួល, គាត់នឹងត្រូវបានគេអោយថ្នាំបំបាត់ការឈឺចាប់ ហើយដាក់ថ្នាំសណ្តំដែលនឹងធ្វើអោយគាត់បាត់បង់ស្មារតីមួយរយៈនៅពេលដែលធ្វើការវះកាត់។
ការវះកាត់តម្រូវអោយមានការវះកាត់ដ៏តូចមួយនូវនឹងស្រោមពងស្វាស, ពន្លាខ្សែនៃបំពង់ទឹកកាម និងដេរនៅក្នុងស្រោមពងស្វាសដើម្បីការពារពីការរមួល។ នៅពេលដែលវាត្រូវបានបញ្ចប់, គ្រូពេទ្យដេរវាឡើងមកលើស្រោមពងស្វាស ហើយកូនរបស់អ្នកនឹងដឹងខ្លួនមកវិញក្រោយពីមួយ ទៅ២ម៉ោងក្រោយវះកាត់។
តាមរយៈការវះកាត់, កូនរបស់អ្នកនឹងចៀសវាងសកម្មភាពខ្លាំងៗក្នុងរយៈពេល២ ឬ៣សប្តាហ៍ ហើយប្រសិនបើគាត់ចង់រួមភេទ, គាត់នឹងត្រូវបានអោយចៀសវាងការរួមភេទមួយរយៈសិនផងដែរ។ សូមនិយាយទៅកាន់គ្រូពេទ្យថាតើនៅពេលណាដែលវានឹងមានសុវត្ថិភាពចំពោះកូនអ្នកសម្រាប់ការធ្វើសកម្មភាពនានា។ប្រសិនបើការរមួលនោះមានរយៈពេលយូរពេក, គ្រូពេទ្យនឹងមិនអាចសង្គ្រោះពងស្វាសដែលប៉ះពាល់នោះបានទេ ហើយវានឹងត្រូវធ្វើការកាត់ចោល ដែលដំណើរការនោះគេហៅថា ការកាត់ពងស្វាសចោល។ ក្មេងប្រុសភាគច្រើនដែលមានការកាត់ពងស្វាសចោល ប៉ុន្តែនៅតែមានពងស្វាសម្ខាងទៀតនោះ អាចក្លាយជាឪពុករបស់គេបាននៅពេលក្រោយ។
ចំពោះទារកប្រុសដែលទើបនឹងកើត, ការសង្គ្រោះពងស្វាសគឺអាស្រ័យលើពេលដែលការរមួលកើតមានឡើង។ ប្រសិនបើវាមានមុននឹងក្មេងប្រុសនោះកើត, វាមិនអាចទៅរួចនោះទេដើម្បីសង្គ្រោះពងស្វាស។ ក្នុងករណីនេះ, គ្រូពេទ្យអាចសុំអោយធ្វើការវះកាត់នៅពេលក្រោយដើម្បីកាត់ពងស្វាសដែលត្រូវបានប៉ះពាល់។ ប្រសិនបើរោគសញ្ញានៃការរមួលលេចឡើងក្រោយក្មេងប្រុសកើត, គ្រូពេទ្យអាចសុំអោយធ្វើការវះកាត់បន្ទាន់ដើម្បីកែតម្រូវពងស្វាសនោះ។
សូមកុំព្រងើយកន្តើយពីរោគសញ្ញារបស់កូនអ្នក
ក្មេងប្រុសត្រូវតែដឹងថាការឈឺប្រដាប់ភេទគឺជារឿងធ្ងន់ធ្ងរ និងមិនគួរព្រងើយកន្តើយនោះទេ។ ការព្រងើយនឹងការឈឺរយៈពេលយូរ ហើយបាត់ទៅវិញក៏ដោយ ក៏អាចបណ្តាលអោយខូចខាតធ្ងន់ធ្ងរដល់ពងស្វាស និងអាចកាត់វាចោលផងដែរ។ប្រសិនបើកូនរបស់អ្នកមានការឈឺនៅនឹងស្រោមពងស្វាសដែលបាត់ទៅវិញ, គាត់នៅតែត្រូវការប្រាប់អ្នក ឬគ្រូពេទ្យ ហើយសូមអោយធ្វើការពិនិត្យ។ ការរមួលដែលបាត់ទៅវិញអាចធ្វើអោយគាត់មានបញ្ហានៅថ្ងៃក្រោយ។ គ្រូពេទ្យអាចបន្ថយហានិភ័យនៃការរមួលនេះដទៃទៀតដោយធ្វើការវះកាត់សាមញ្ញដែលធានាដល់សុវត្ថិភាពនៃពងស្វាស។
ប្រសិនបើកូនរបស់អ្នកមានការរមួលដែលបណ្តាលអោយបាត់ពងស្វាសនោះ, វាជារឿងសំខាន់ដើម្បីអោយគាត់ដឹងថា គាត់នៅតែមានជីវិតធម្មតាដូចអ្នកអ្នកដទៃ។ ការបាត់បង់ពងស្វាសម្ខាងនឹងមិនប៉ះពាល់គាត់ពីការរួមភេទធម្មតា ឬការក្លាយជាឪពុកគេនោះទេ៕