បន្សាបជាតិពុល និងភាពកខ្វក់ពីសក់ ជាមួយរូបមន្តធម្មជាតិទាំងនេះ

ចង់ឱ្យសក់មានសុខភាពល្អរស់រវើកមិនពិបាក់ឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទើបអាចកម្ចាត់ជាតិពុល កាកសំណល់ពីសាប៊ូ ក្រែមបន្ទន់ និងផលិតផលថែរក្សាសក់ដទៃទៀត ព្រមទាំងភាពកខ្វក់ផ្សេងៗ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗបន្សាបជាតិពុលពីសក់ ៖

១. ម្សៅ Baking soda

អ្វីដែលអ្នកត្រូវធ្វើ គឺគ្រាន់តែលាយម្សៅ baking soda កន្លះពែងជាមួយទឹកក្ដៅ ៣ពែង។ កូរឱ្យសព្វ និងទុកមួយឡែកសិន។ បន្ទាប់មកសឹមផ្សើមសក់ឱ្យសើមជាមុនសិន បន្ទាប់មកចាក់ល្បាយម្សៅ Baking soda លាយទឹកលើសក់ និងម៉ាស្សាស្បែកក្បាលសម្រាប់រយៈពេលពី ២ ទៅ ៣នាទី។ លាងសម្អាតចេញនិងកុំភ្លេចប្រើប្រាស់ក្រែមបន្ទន់។ អ្នកក៏អាចប្រើប្រាស់ទឹកឃ្មុំឆៅជាក្រែមបន្ទន់សក់បានដែរ។ អនុវត្តឱ្យបានម្ដងក្នុងមួយសប្តាហ៍ ឬម្ដងរៀងរាល់ ២សប្តាហ៍ អាស្រ័យលើថាតើសក់របស់អ្នកស្ងួត ឬឡើងប្រេង។

២. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ៤ស្លាបព្រាបាយជាមួយទឹកធម្មតា ២ពែង។ កូរឱ្យសព្វ សឹមទុកមួយឡែកសិន។ កក់សក់ជាមួយសាប៊ូនិងប្រើប្រាស់ក្រែមបន្ទន់ដូចពេលធម្មតា។ បន្ទាប់មកប្រើប្រាស់ទឹកខ្មេះផ្លែប៉ោមដែលលាយជាមួយទឹករួចនោះលាងសម្អាតសក់ជាការស្រេច។ អនុវត្តឱ្យបានម្ដងក្នុងមួយសប្តាហ៍ ឬម្ដងរៀងរាល់ពីរសប្តាហ៍។

៣. ត្រសក់និងទឹកក្រូចឆ្មារស្រស់

អ្វីដែលអ្នកត្រូវធ្វើ គឺគ្រាន់តែជាដំបូងត្រូវចិតសំបកត្រសក់ ១ផ្លែទំហំមធ្យម និងក្រូចឆា្មរ ១ផ្លែធំ រួចកាន់ជាដុំតូចៗ។ បន្ទាប់មកកិនត្រសក់និងក្រូចឆ្មារឱ្យម៉ដ្ឋជាមួយប្រេងផ្កាឡាវ៉េនដឺ ឬប្រេងជីអង្កាម ឬប្រេងផ្កា Chamomile បន្តិច។ ប្រើប្រាស់ល្បាយនេះកក់សក់ដូចពេលធម្មតា។

៤. ឈើអែម

អ្វីដែលអ្នកត្រូវធ្វើ គឺគ្រាន់តែលាយម្សៅឈើអែមកន្លះស្លាបព្រាកាហ្វេជាមួយម្សៅ Baking soda ១ស្លាបព្រាកាហ្វេជាមួយប្រេងអូលីវ ២ស្លាបព្រាបាយ។ កូរឱ្យសព្វ សឹមលាបម៉ាស្សាល្បាយលើស្បែកក្បាលនិងសក់ផងដែរ។ រងចាំសម្រាប់រយៈពេល ២០នាទី សឹមលាងសម្អាតចេញ។ អនុវត្តរូបមន្តនេះឱ្យបានម្ដងក្នុងមួយសប្តាហ៍ដើម្បីទទួលបានលទ្ធផលកាន់តែប្រសើរ៕