ងាយណាស់! “សក់” កាន់តែរឹងមាំស្រស់ស្អាត បើធ្វើបែបនេះបាន

ចង់ឱ្យសក់មានសុខភាពល្អប្រសើរមិនមែនជារឿងពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណា? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តធម្មជាតិថែរក្សាសុខភាពសក់ ៖

១. វីតាមីន C

អាហារដែលមានផ្ទុកសម្បូរទៅដោយវីតាមីន C គួរត្រូវបានរួមបញ្ចូលក្នុងរបបអាហារប្រចាំថ្ងៃ ក៏ព្រោះអ្នកត្រូវការវីតាមីននេះដើមហបីបង្កើនការស្រូបយកជាតិដែក។ មូលហេតុផ្សេងទៀតក្នុងការព្យាយាមទទួលទានអាហារសម្បូរវីតាមីន C នោះ គឺវាអាចបង្កើនកម្រិតនៃសារធាតុប្រឆាំងអុកស៊ីតកម្មក្នុងរាងកាយ។ ជាលទ្ធផលវាជួយការពារប្រឆាំងការរលាកនិងជំងឺផ្សេងទៀតដែលអាចធ្វើឱ្យសក់ប្រែជាផុយស្រួយ, មិនមានភាពភ្លឺរលោង និងគ្មានសុខភាពល្អ។

២. អាស៊ីតខ្លាញ់អូ​មេហ្កា ៣

រាងកាយត្រូវការអាស៊ីតខ្លាញ់ចាំបាច់ដូចជាអាស៊ីតខ្លាញ់អូមេហ្កា ៣ដើម្បីរក្សាសុខភាពទាំងមូល ក៏ដូចជាភាពរឹងមាំនៃសក់ ប៉ុន្តែបញ្ហានោះ គឺរាងកាយមិនអាចផលិតបានដោយខ្លួនឯង។ នេះហើយជាមូលហេតុដែលអ្នកគួរព្យាយាមរួមបញ្ចូលអាហារសម្បូរអាស៊ីតខ្លាញ់អូមេហ្កា ៣ ដូចជាត្រីសម្បូរខ្លាញ់, ស៊ុត, ផ្លែបឺរ, គ្រាប់ធញ្ញជាតិ និងគ្រាប់ពូជជាដើមក្នុងរបបអាហារប្រចាំថ្ងៃ។

៣. ទឹកដោះគោ

ផលិតផលអាហារផ្សំឡើងពីទឹកដោះគោក៏អាចផ្ដល់អត្ថប្រយោជន៍គួរឱ្យកត់សម្គាល់ចំពោះសុខភាពសក់ផងដែរ។ ទឹកដោះគោមានផ្ទុកសម្បូរទៅដោយជាតិកាល់ស្យូមដែលមិនត្រឹមតែល្អសម្រាប់ឆ្អឹងនិងធ្មេញប៉ុណ្ណោះទេ ប៉ុន្តែក៏ចាំបាច់សម្រាប់សក់។

៤. វីតាមីន E

វីតាមីន E ក្នុងប្រព័ន្ធរាងកាយមិនត្រឹមតែជួយជួសជុលកោសិកាសក់ដែលខូចខាតប៉ុណ្ណោះទេ ប៉ុន្តែក៏ពង្រឹងភាពរឹងមាំនៃសសៃសក់ផងដែរ។ ដូច្នេះដើម្បីជាការប្រសើរ អ្នកគួរព្យាយាមរួមបញ្ចូលអាហារសម្បូរវីតាមីន E ក្នុងរបបអាហារប្រចាំថ្ងៃ។

៥. អាហារសម្បូរប្រូតេអ៊ីន

ប្រូតេអ៊ីន គឺចាំបាច់ណាស់សម្រាប់រក្សាសុខភាពសាច់ដុំ ពង្រឹងសុខភាពស្បែក និងទប់ស្កាត់បញ្ហាសក់ជ្រុះ។ ដូច្នេះប្រសិនបើអ្នកចង់ទទួលបាននូវសាច់ដុំរឹងមាំ សក់មានសុខភាពល្អ និងស្បែកស្រស់ស្អាត នោះរបបអាហារមានផ្ទុកសម្បូរទៅដោយប្រូតេអ៊ីន គឺសំខាន់សម្រាប់អ្នក៕