មនុស្សយើងអាចនិយាយបានថា ១០០នាក់ដឹងតែមានទាំង ១០០ហើយដែលកើតបញ្ហាស្រ្តេសក្នុងជីវិត ដោយវាអាចកើតចេញពីក្នុងផ្ទះ ការងារ ការធ្វើដំណើរតាមផ្លូវ និងទំនាក់ទំនងផ្ទាល់ខ្លួនទៀតផង ហើយរឿងនេះពិតជាធ្វើឲ្យមានអារម្មណ៍មិនល្អ ឆេវឆាវ និងពេលខ្លះបាក់ទឹកចិត្តរហូតដល់ប៉ះពាល់ដល់សុខភាពថែមទៀត។ វាគឺជារឿងដែលងាយយល់ណាស់នៅពេលដែលមានអារម្មណ៍ថា នឿយហត់នឹងរឿងគ្រប់យ៉ាងជាពិសេសរឿងដែលមានបញ្ហាមិនចេះចប់តែម្តង។ ប៉ុន្តែយើងនៅតែមានវិធីជាច្រើនដើម្បីបន្ថយភាពស្រ្តេសនេះបានដូចជា៖
បាញ់ស្ព្រាយបំបាត់ក្លិនក្នុងបន្ទប់
អ្នកមិនបាច់ត្រូវការធ្វើអ្វីច្រើនដើម្បីបំបាត់ស្រ្តេសឡើយ ព្រោះថាទម្លាប់ដ៏សាមញ្ញបំផុតក៏អាចធ្វើឲ្យអ្នកមានអារម្មណ៍ល្អវិញដែរ នោះគឺការបាញ់ស្ព្រាយបំបាត់ក្លិនក្នុងផ្ទះ ឬកន្លែងធ្វើការជាញឹកញាប់។ ក្រៅពីបំបាត់ក្លិនអាក្រក់ហើយ អ្នកនឹងមានអារម្មណ៍ថាធូរស្រាលជាងមុនច្រើនជាមិនខាន។
ហាត់ប្រាណ
រាល់សម្ពាធទាំងអស់ដែលកើនឡើងក្នុងរាងកាយពិតជាអាចបញ្ចេញចោលបានយ៉ាងមានប្រសិទ្ធភាពតាមរយៈការហាត់ប្រាណ។ ការហាត់ប្រាណនឹងជួយអ្នកបញ្ចេញចោលនូវអារម្មណ៍តានតឹងទាំងអស់ ប៉ុន្តែវានឹងជួយដល់សុខភាពថែមទៀត។ តាមរយៈធ្វើការងារមួយនឹង នឹងធានាបានថា អ្នកនឹងមានអារម្មណ៍ល្អជាងមុនកាន់តែច្រើនដោយសារតែអ្នកបានបង្រៀនរាងកាយឲ្យចេញបញ្ចេញអារម្មណ៍ល្អឡើងវិញ។
ដុតទៀនបំភ្លឺ
មធ្យោបាយមួយផ្សេងទៀតដើម្បីបំបាត់ស្រ្តេសនៅផ្ទះ គឺដុតបំភ្លឺភ្លើងទៀនដែលមានក្លិនក្រអូបក្នុងបន្ទប់គេង ឬបន្ទប់ទទួលភ្ញាវ ដើម្បីជួយពង្រឹងដល់អារម្មណ៍ល្អ។ ក្រោយពីដុតរួច អ្នកក៏អាចអង្គុយក្បែរនោះដើម្បីបន្ធូរអារម្មណ៍បានដែរ។ អ្នកនឹងយល់ថា វានឹងផ្តល់ភាពងាយស្រួលលើការបន្ធូរអារម្មណ៍។
ញ៉ាំទឹកគ្រប់គ្រាន់
ការដែលរក្សាជាតិទឹកក្នុងខ្លួនគ្រប់គ្រាន់កឺជាមធ្យោបាយដ៏ល្អមួយក្នុងការបំបាត់ស្រ្តេសដែរ។ នៅពេលរាងកាយមិនមានជាតិទឹកគ្រប់គ្រាន់ ឬពេលមានអារម្មណ៍ស្រ្តេស អ្នកនឹងយល់ថា ខ្លួនឯងដូចមានអារម្មណ៍ចង់សន្លប់អ៊ីចឹង។ ក្រៅពីញ៉ាំទឹក អ្នកក៏អាចរៀបចំភេសជ្ជៈមួយចំនួនដើម្បីទទួលទានដើម្បីបំបាត់ភាពធុញទ្រាន់ផងដែរ៕
