រាជធានីភ្នំពេញ ៖ ក្រសួងសុខាភិបាលបានប្រកាសនៅយប់ថ្ងៃទី១៣ ខែសីហា ឆ្នាំ២០២១ថា យោងតាមលទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា បានរកឃើញករណីឆ្លងវីរុសកូវីដ១៩ បំប្លែងថ្មីប្រភេទ B.1.617.2 (Delta) ចំនួន៦៥ករណីបន្ថែមទៀត នៅថ្ងៃទី១១ ដល់ថ្ងៃទី១៣ ខែសីហា ឆ្នាំ២០២១ ។
រកឃើញអ្នកឆ្លងដែលតាទាំង៦៥នាក់ខាងលើ ក្នុងនោះមានអ្នកដំណើរមកពីបរទេសតាមជើងហោះហើរ ចំនួន០៤នាក់ ក្នុងនោះមានស្រី១នាក់ ពលករខ្មែរត្រឡប់មកពីប្រទេសថៃ ចំនួន១៧នាក់ ស្រី៩នាក់ បុគ្គលិកសុខាភិបាលចំនួន៤នាក់ ស្រី៣នាក់ មន្ត្រីរាជការចំនួន៤នាក់ ស្រី០នាក់ និងប្រជាជនអ្នកភូមិនៅក្នុងសហគមន៍ចំនួន៣៦នាក់ ស្រី២១នាក់ ។
សូមបញ្ជាក់ គិតចាប់ពីថ្ងៃទី៣១ ខែមីនា ឆ្នាំ២០២១ ដល់ថ្ងៃទី១៣ ខែសីហា ឆ្នាំ២០២១ កម្ពុជាបានរកឃើញអ្នកមានវិជ្ជមានវីរុសកូវីដ-១៩ ប្រភេទ ដែលតា (Delta) សរុបទាំងអស់ចំនួន ៤៩៤នាក់ ក្នុ្ងងនោះស្ដ្រីចំនួន ២៣៤នាក់ ៕
