អ្នកមានស្បែកមុខខ្លាញ់? កុំរំលងស្ក្រាប់ធម្មជាតិ ៦នេះ

ស្បែកខ្លាញ់មិនជាបញ្ហាឡើយបើលោកអ្នកចេះប្រើប្រាស់រូបមន្តបែបធម្មជាតិមួយចំនួន។ ថាតើមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីស្ក្រាប់ធម្មជាតិចំនួន ៥ ដែលល្អសម្រាប់ស្បែកខ្លាញ់ ៖

១. ស្ក្រាប់ផ្សំឡើងពីគ្រាប់អាល់ម៉ុននិងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែកិនគ្រាប់អាល់ម៉ុន ១ក្ដាប់ដៃពេញឱ្យម៉ដ្ឋ បន្ទាប់មកសឹមបន្ថែមទឹកឃ្មុំ ២ស្លាបព្រាកាហ្វេចូល។ កូរឱ្យសព្វ សឹមលាបម៉ាស្សាល្បាយថ្នមៗលើស្បែកមុខ។ លាងសម្អាតចេញក្រោយរយៈពេលពី ២ ទៅ ៣នាទី។

២. ស្ក្រាប់ផ្សំឡើងពីល្ហុងទុំនិងស្ករស

កិនល្ហុងទុំឱ្យម៉ដ្ឋរួចបន្ថែមស្ករសប្រហែល ២ ស្លាបព្រាកាហ្វេចូល។ លាបម៉ាស្សាល្បាយថ្នមៗលើស្បែគមុខសម្រាប់រយៈពេលពី ២ ទៅ ៣នាទី​ សឹមលាងសម្អាតចេញ។

៣. ស្ក្រាប់ផ្សំឡើងពីស៊ុត, ទឹកក្រូចឆ្មារស្រស់ និងអំបិលសមុទ្រ

អ្វីដែលអ្នកត្រូវធ្វើ គឺគ្រាន់តែលាយអំបិលសមុទ្រ ២ស្លាបព្រាកាហ្វេជាមួយផ្នែកពណ៌នៃស៊ុត ១គ្រាប់ និងទឹកក្រូចឆ្មារស្រស់កន្លះស្លាបព្រាកាហ្វេឱ្យសព្វចូលគ្នា។ បន្ទាប់មកលាបម៉ាស្សាល្បាយថ្នមៗលើស្បែកមុខ និងលាងសម្អាតចេញតាមក្រោយជាមួយទឹកធម្មតា។

៤. ស្ក្រាប់ផ្សំឡើងពីត្រសក់

អ្វីដែលអ្នកត្រូវធ្វើ គឺគ្រាន់តែកិនត្រសក់ ១ផ្លែឱ្យម៉ដ្ឋ បន្ទាប់មកសឹមលាបលើស្បែក។ លាងសម្អាតចេញជាមួយទឹកត្រជាក់ ក្រោយរយៈពេលពី ៣ ទៅ ៥ នាទី។ នៅពេលម៉ាស្សាត្រូវប្រាកដថាអ្នកធ្វើចលនាក្នុងទិសដៅតែមួយ។ អនុវត្តសារឡើងវិញជាប្រចាំ។

៥. ស្ក្រាប់ផ្សំឡើងពីសំបកក្រូច

អ្វីដែលអ្នកត្រូវធ្វើ គឺគ្រាន់តែលាយម្សៅសំបកក្រូច ១ស្លាបព្រាបាយជាមួយរមៀតម៉ដ្ឋ ១ចិបឱ្យសព្វចូលគ្នា រួចសឹមបន្ថែមទឹកឃ្មុំ ១ស្លាបព្រាបាយចូល និងកូរឱ្យសព្វម្ដងទៀត។ លាបល្បាយលើស្បែកមុខសម្រាប់រយៈពេលពី ៣ ទៅ ៤ នាទី សឹមលាងសម្អាតចេញជាមួយទឹកធម្មតា។ អនុវត្ត ២ដងក្នុងមួយសប្តាហ៍។

៦. ស្ក្រាប់ផ្សំឡើងពីល្ហុងទុំ

អ្វីដែលអ្នកត្រូវធ្វើ គឺគ្រាន់តែកិនល្ហុងទុំ ១ដុំឱ្យម៉ដ្ឋ បន្ទាប់មកសឹមបន្ថែមទឹកក្រូចឆ្មារពី ២ ទៅ ៣ ដំណក់ចូល។ កូរឱ្យសព្វ សឹមលាបម៉ាស្សាល្បាយក្នុងចលនាបែបរង្វង់ថ្នមៗសម្រាប់រយៈពេលពី ២ ទៅ ៣នាទី។ លាងសម្អាតចេញជាមួយទឹកធម្មតា និងអនុវត្តសារឡើងវិញពី ១ ទៅ ២ដងក្នុងមួយសប្តាហ៍៕