កើតបូសលើផ្នែកខាងក្នុងនៃភ្លៅ? កុំរំលងរូបមន្តធម្មជាតិ ៦នេះ

បញ្ហាកើតបូសលើភ្លៅផ្នែកខាងក្នុងមែនទេ? មិនពិបាកដោះស្រាយឡើយ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិព្យាបាលបូសលើភ្លៅផ្នែកខាងក្នុងយ៉ាងឆាប់រហ័ស ៖

១. ស្អំកម្ដៅ

អ្នកអាចចាក់ទឹកក្ដៅចូលក្នុងដបទឹក រួចប្រើប្រាស់ក្រណាត់ ឬកន្សែងស្អាតមួយរុំឱ្យជិត រួចសឹមប្រើប្រាស់ស្អំលើបូសសម្រាប់រយៈពេលពី ១៥ ទៅ ២០នាទី ឱ្យបានពី ២ ទៅ ៣ដងក្នុងមួយថ្ងៃ។ កម្ដៅជួយជម្រុញចរន្តឈាមរត់ដែលល្អសម្រាប់កម្ចាត់ជាតិពុល, កោសិកាស្បែកងាប់ៗ និងកាកសំណល់ ហើយពន្លឿនភាពឆាប់ជាសះស្បើយនៃបូស។

២. ខ្ទឹមបារាំង

អ្វីដែលអ្នកត្រូវធ្វើ គឺហាន់ខ្ទឹមបារាំងស្រស់ជាបន្ទះៗរាងក្រាស់បន្តិច រួចរុំក្នុងស្បៃស្អាតមួយ។ បន្ទាប់មកសឹមប្រើប្រាស់ស្អំលើបូសសម្រាប់រយៈពេល ១ ម៉ោង។ អនុ​វត្តឱ្យបាន ២ ដងក្នុងមួយថ្ងៃរហូតដល់ជាសះស្បើយ។ ខ្ទឹមបារាំងមានផ្ទុកសារធាតុប្រឆាំងអុកស៊ីតកម្មនិងបាក់តេរីដែលល្អណាស់សម្រាប់ជួយព្យាបាលបូស ព្រមទាំងបន្ថយអាការៈឈឺចាប់។

៣​. ទឹកខ្ទឹមសស្រស់

អ្វីដែលអ្នកត្រូវធ្វើ គឺគ្រាន់តែបុកខ្ទឹមសពី ២ ទៅ ៣កំពឹសឱ្យរាងម៉ដ្ឋចេញទឹកខាប់ៗ បន្ទាប់មកប្រើប្រាស់សំឡីត្បារត្រចៀកជ្រលក់លាបទឹកខ្ទឹមសស្រស់នោះលើបូសជាការស្រេច។ អនុវត្តឱ្យបាន ៣ដងក្នុងមួយថ្ងៃ។

៤. ល្បាយរមៀត

អ្វីដែលអ្នកត្រូវធ្វើ គឺគ្រាន់តែលាយម្យៅរមៀតជាមួយទឹកធម្មតាឱ្យក្លាយជាល្បាយខាប់ៗ រួចសឹមលាបលើកន្លែងដែលទទួលរងផលប៉ះពាល់ និងលាងសម្អាតចេញក្រោយរយៈពេល ៣០នាទី។

៥. ទឹកខ្មេះផ្លែប៉ោមនិងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោមជាមួយទឹកឃ្មុំឆៅក្នុងបរិមាណស្មើគ្នា បន្ទាប់មកសឹមលាបល្បាយលើបូស។ រងចាំសម្រាប់រយៈពេល ២០នាទី សឹមលាងសម្អាតចេញជាមួយទឹកក្ដៅឧណ្ហៗជាការស្រេច។

៦. ប្រេងដើមតែ

អ្វីដែលអ្នកត្រូវធ្វើ គឺគ្រាន់តែប្រើប្រាស់សំឡីត្បារត្រចៀកជ្រលក់លាបប្រេងដើមតែបន្តិចលើបូសជាការស្រេច។ អនុវត្តឱ្យបាន ៣ដងក្នុងមួយថ្ងៃ៕