កូនឡើងរោលកន្ទួលក្រហម ព្រោះស្លៀកខោទឹកនោម? កុំរំលងប្រទាលកន្ទុយក្រពើ

កូនតូចជួបបញ្ហាឡើងរោលកន្ទួលក្រហម ព្រោះស្លៀកខោទឹកនោម? កុំបារម្ភ! ខាងក្រោមវេបសាយសុខភាព Health.com.kh​​​ នឹងបង្ហាញឱ្យដឹងពីរូបមន្តធម្មជាតិងាយៗដោះស្រាយបញ្ហានេះបានយ៉ាងឆាប់រហ័ស ៖

១. ប្រេងដូង

អ្វីដែលអ្នកត្រូវធ្វើ គឺគ្រាន់តែជាដំបូងត្រូវលាងសម្អាតគូថទារកជាមួយទឹកក្ដៅឧណ្ហៗ រួចជូតផ្ដិតថ្នមៗឱ្យស្ងួតជាមុនសិន។ បន្ទាប់មកចាក់ប្រេងដូងធម្មជាតិ ១០០ភាគរយបន្តិចលើបាតដៃ រួចសឹមលាបម៉ាស្សាលើតំបន់ស្បែកដែលមានបញ្ហា។ អនុវត្តឱ្យបានម្ដង ឬ ២ដងក្នុងមួយថ្ងៃជាប្រចាំ។

២. ម្សៅ baking soda

អ្វីដែលអ្នកត្រូវធ្វើ គឺគ្រាន់តែលាយម្សៅ Baking soda ២ស្លាបព្រាបាយជាមួយទឹកក្ដៅឧណ្ហៗ ៤ពែង។ កូរឱ្យសព្វ សឹមប្រើប្រាស់ទឹកល្បាយនេះលាងសម្អាតស្បែកទារក។ រងចាំរហូតដល់ស្ងួតដោយមិនចាំបាច់ប្រើកន្សែងជូតឡើយ។ អនុវត្តម្ដងក្នុងមួយថ្ងៃជាប្រចាំ។

៣. យ៉ាអួរសុទ្ធ

អ្វីដែលអ្នកត្រូវធ្វើ គឺគ្រាន់តែលាបយ៉ាអួរសុទ្ធ ១ស្រទាប់ក្រាស់លើគូថរបស់កូនតូច។ រងចាំសម្រាប់រយៈពេលពី ២ ទៅ ៣នាទី សឹមលាងសម្អាតចេញជាមួយទឹកក្ដៅឧណ្ហៗ។ អនុវត្តឱ្យបាន ២ដងក្នុងមួយថ្ងៃជាប្រចាំ។

៤. ប្រទាលកន្ទុយក្រពើ

អ្វីដែលអ្នកត្រូវធ្វើ គឺគ្រាន់តែប្រើប្រាស់ចុងម្រាមដៃលាបជែលប្រទាលកន្ទុយក្រពើស្រស់ពី ១ ទៅ ២ស្លាបព្រាកាហ្វេលើតំបន់ស្បែកទារកដែលទទួលរងផលប៉ះពាល់។ រងចាំសម្រាប់រយៈពេល ១៥នាទីដើម្បីឱ្យជែលប្រទាលកន្ទុយក្រពើជ្រាបចូលក្នុងស្បែក រួចអ្នកអាចងូតទឹកឱ្យកូនតូចបានហើយ។ អនុវត្តឱ្យបានពី ២ ទៅ ៣ដងក្នុងមួយថ្ងៃ។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕