ប្រសិនបើអ្នកមានអាយុលើសពី ៥០ ឆ្នាំ ហើយមិនមានអារម្មណ៍ថាខ្លាំងដូចពីមុននោះ វាមិនគួរឱ្យភ្ញាក់ផ្អើលទេ។ ស្របពេលដែលដង់ស៊ីតេឆ្អឹងថយចុះទៅតាមអាយុ ម៉ាសសាច់ដុំយើងក៏បាត់បង់ផងដែរ។ ការធ្លាក់ចុះនៃម៉ាសសាច់ដុំ និងកំហាប់ឆ្អឹង គឺជាដំណើរការធម្មជាតិមួយដែលកើតឡើងចំពោះមនុស្សគ្រប់រូប ទៅតាមពេលវេលា និងអាយុរបស់អ្នក។ វាអាចធ្វើឱ្យអ្នកទន់ខ្សោយ បង្កើនហានិភ័យចំពោះការដួល និងការបាត់បង់ ភាពម្ចាស់ការលើខ្លួនឯង។ ប៉ុន្តែ សំណាងដែរដែលយើងអាចធ្វើរឿងមួយចំនួន ដើម្បីដោះស្រាយបញ្ហាមួយនេះបាន។
ការបាត់បង់ម៉ាសសាច់ដុំកើតឡើងដោយសារកត្តាមួយចំនួនដូចជា ជរាភាព កង្វះចលនារាងកាយ ឬអសកម្ម កង្វះអាហារូបត្ថម្ភ ។ល។
ចំពោះមនុស្សធម្មតា ការបាត់បង់ម៉ាសសាច់ដុំមានរហូតដល់ 8% រៀងរាល់ 10ឆ្នាំ ចាប់ពីអាយុ 40 ឆ្នាំ
- ហើយការបាត់បង់នឹងកាន់តែធ្ងន់ធ្ងររហូតដល់ 5%
- ចំពោះអ្នកគ្មានសកម្មភាព ក្នុងរយៈពេល 10 ថ្ងៃ និងអ្នកជំងឺធ្ងន់ធ្ងរអាចបាត់បង់ម៉ាសសាច់ដុំរហូតដល់ 17.7%
- ត្រឹមតែរយៈពេល 10 ថ្ងៃប៉ុណ្ណោះ។
ការបាត់បង់ម៉ាសសាច់ដុំនឹងធ្វើឱ្យប៉ះពាល់ដល់ជីវិតរស់នៅប្រចាំថ្ងៃរបស់អ្នក ដូចជា ការបាត់បង់ថាមពល ពិបាកធ្វើចលនា ពិបាកដើរ មិនអាចធ្វើសកម្មភាពដែលអ្នកចូលចិត្ត ជាពិសេសគឺមិនអាចមានសកម្មភាពទំនាក់ទំនងជាមួយមនុស្សជាទីស្រឡាញ់របស់អ្នកបាន។ វ័យជំទង់ និងវ័យកណ្តាល គឺជាពេលដែលល្អបំផុត ដើម្បីថែរក្សា និងបង្កើនកម្លាំងសាច់ដុំ និងការពារភាពចុះខ្សោយនៃសាច់ដុំពេលដែលចាស់ទៅ។ បើទោះបីជាអ្នកមិនបានចាប់ផ្តើមធ្វើពីមុនក៏ដោយ ការចាប់ផ្តើមនៅពេលឥឡូវនេះ ក៏វាមិនយឺតពេលដែរ។ មិនថាអ្នកអាយុប៉ុន្មានទេ អ្នកអាច ការពារការបាត់បង់ម៉ាសសាច់ដុំនេះបាន។ លំហាត់ប្រាណជួយបង្កើតកម្លាំងសាច់ដុំ ប៉ុន្តែអាហារូបត្ថម្ភក៏មានតួនាទីសំខាន់ផងដែរ។
តួនាទីនៃអាហារូបត្ថម្ភ
អ្នកមិនអាចគ្រាន់តែហាត់ប្រាណមួយមុខ ដោយមិនបានញ៉ាំអាហារឱ្យបានត្រឹមត្រូវនោះទេ ឬអ្នកក៏មិនអាចគ្រាន់តែញ៉ាំអាហារឱ្យបានត្រឹមត្រូវ តែមិនបានហាត់ប្រាណនោះដែរ។ ការទទួលទានអាហារដែលសម្បូរប្រូតេអ៊ីន គឺជួយបង្កើនកម្លាំងសាច់ដុំ ដែលជាគន្លឹះដ៏សំខាន់។ ដើម្បីបង្កើនកម្លាំងសាច់ដុំ អ្នកត្រូវ ញ៉ាំប្រូតេអ៊ីនឱ្យបាន 1 ក្រាមក្នុងមួយគីឡូក្រាមនៃទម្ងន់រាងកាយ។
ឧទាហរណ៍៖ មនុស្សម្នាក់ដែលមានទម្ងន់ 63គីឡូក្រាមគួរតែញ៉ាំប្រូតេអ៊ីន 63 ក្រាមក្នុងមួយថ្ងៃ។ ប្រភពអាហារល្អបំផុត គឺទឹកដោះគោ ឈីស ស៊ុត បសុបក្សី (មាន់ ទា…) ត្រី សណ្តែកដី និងសណ្តែក។
ប្រូតេអ៊ីនមានសារៈសំខាន់ ប៉ុន្តែអ្នកក៏ត្រូវការកាបូអ៊ីដ្រាតផងដែរ ដែលជាប្រភពថាមពលដែលរាងកាយរបស់អ្នក ត្រូវការ ដើម្បីអាចធ្វើ លំហាត់ប្រាណ ឬសកម្មភាពនានាបាន។ បន្លែ ផ្លែឈើ និងគ្រាប់ធញ្ញជាតិ មានផ្ទុកនូវវីតាមីន និងសារជាតិចិញ្ចឹមផ្សេងៗ ដើម្បីបំពេញនូវតម្រូវការរាងកាយបានល្អជាងអាហារកែច្នៃ។
កុំភ្លេចអំពីលំហាត់ប្រាណ
វិធីល្អបំផុតដើម្បីការពារការបាត់បង់ម៉ាសសាច់ដុំ គឺការហាត់ប្រាណពេញមួយជីវិត។ ការរួមបញ្ចូលគ្នារវាងការធ្វើលំហាត់ប្រាណតាមបែបអ៊ែរ៉ូប៊ីក និងការហាត់ពង្រឹងកម្លាំង ធ្វើឱ្យសុខភាពកាន់តែល្អប្រសើរ។ សូមចាប់ផ្តើមដោយការពិគ្រោះជាមួយគ្រូពេទ្យ ឬអ្នកជំនាញ ដែលពួកគាត់មិនត្រឹមតែបង្រៀនអ្នកអំពីការធ្វើលំហាត់ប្រាណត្រឹមត្រូវប៉ុណ្ណោះទេ ប៉ុន្តែនឹងដាក់បញ្ចូលកម្មវិធីមួយចំនួនដែល ជួយអ្នកឱ្យទទួលបានលទ្ធផលកាន់តែប្រសើរ។
ចាប់ពីថ្ងៃនេះទៅ សូមចាប់ផ្តើមធ្វើលំហាត់ប្រាណឱ្យបានទៀងទាត់ និងពិសា Ensure Gold ពីរកែវក្នុងមួយថ្ងៃជារៀងរាល់ថ្ងៃ។ ជាមួយនឹងសារធាតុចិញ្ចឹមសំខាន់ៗ 34 ប្រភេទ រួមទាំងសារធាតុផ្សំពិសេស HMB និងប្រូតេអ៊ីនគុណភាពខ្ពស់ Ensure Gold អាចជួយការពារការបាត់បង់សាច់ដុំ និងពង្រឹងសុខភាពរាងកាយទាំងមូល។
សូមចាប់ផ្តើមពិសា Ensure Gold ឥឡូវនេះ ដើម្បីពង្រឹងកម្លាំងសាច់ដុំ និងសុខភាពរឹងមាំ ដើម្បីអាចបំពេញសកម្មភាពផ្សេងៗតាមក្តីប្រាថ្នា ជាមួយមនុស្សជាទីស្រឡាញ់៕
