វាត្រូវបានគេដឹងថា សសរស្តម្ភទាំងបួននៃសុខភាពល្អ គឺការគេងប្រកបដោយគុណភាព ការធ្វើលំហាត់ប្រាណទៀងទាត់ សុខុមាលភាពផ្លូវចិត្ត និងអាហារូបត្ថម្ភ ប៉ុន្តែតើកត្តាទាំងនេះមានទំនាក់ទំនងជាមួយគ្នាយ៉ាងដូចម្តេច?
មនុស្សយើងភាគច្រើនញ៉ាំដើម្បីរក្សារបបអាហារដែលមានសុខភាពល្អប៉ុន្តែមនុស្សយើងមិនច្រើនទេ ដែលជ្រើសរើសអាហារដែលមានគោលបំណងធ្វើឱ្យគេងលក់ស្រួល។ តើអ្នកដឹងទេថា មានអាហារមួយចំនួនដែលបង្កឱ្យមានការឆ្លើយតបអ័រម៉ូន ដែលបណ្តាលឱ្យងងុយគេង ហើយធ្វើការដើម្បីធ្វើឱ្យប្រព័ន្ធសរសៃប្រសាទស្ងប់?
សម្រាប់អ្នកដែលទទួលរងពីការគេងមិនលក់ ការដឹងថាអាហារណាដែលអាចធ្វើឱ្យគេងលក់ស្រួល គឺមិនអាចកាត់ថ្លៃបាន។
ខាងក្រោមនេះ គឺជាអាហារ ៩ មុខ ដែលត្រូវបានបញ្ជាក់ដោយវិទ្យាសាស្រ្តថាអាចជួយឱ្យអ្នកគេងលក់ស្កប់ស្កល់
១. ទឹកឃ្មុំ ៖ ទឹកឃ្មុំជួយឱ្យអ្នកគេងលក់។ ទឹកឃ្មុំមួយស្លាបព្រាកាហ្វេមុនពេលចូលគេងក៏ត្រូវបានគេបង្ហាញថាអាចជួយស្តុកថ្លើមរបស់យើងឡើងវិញជាមួយគ្លីកូហ្សែន ឬឥន្ធនៈដែលយើងត្រូវការ ដើម្បីធ្វើឱ្យវាពេញមួយយប់ដោយគ្មានអាហារ។
២. តែ ៖ សម្រាប់មនុស្សមួយចំនួន តែ chamomile គឺជាថ្នាំងងុយគេងដ៏ល្បីមួយ។
៣. ទឹកដោះគោ ៖ ទឹកដោះគោក្តៅមួយកែវដែលឪពុកម្តាយរបស់យើងបានផ្តល់ឱ្យយើងជាកូនៗមុនពេលចូលគេងពិតជាបានល្អសម្រាប់ការគេងលក់ស្កប់ស្កល់។
៤. ចេក ៖ ឆ្ងាញ់ ហើយមានជីវជាតិ ចេកមានប៉ូតាស្យូមខ្ពស់ ដែលជាសារធាតុរ៉ែដែលចាំបាច់សម្រាប់ការគេងលក់ស្កប់ស្កល់។
៥. គ្រាប់ផ្លែឈើ ៖ គ្រាប់ផ្លែឈើ គឺជាអាហារសម្រន់មុនពេលចូលគេងដ៏អស្ចារ្យ ព្រោះវាជួយបង្កើនកម្រិតសេរ៉ូតូនីននៅក្នុងខួរក្បាល។
៦. គ្រាប់ធញ្ញជាតិ ៖ ប្រសិនបើអ្នកមានអារម្មណ៍មិនស្រួល បន្តិចមុនពេលចូលគេង សូមរកនំប៉័ងគ្រាប់ធញ្ញជាតិមកញ៉ាំ។
៧. ផ្លែឆឺរី ៖ ផ្លែឆឺរីមានជាតិមេឡាតូនីនខ្ពស់។ វាជួយបង្កើនគុណភាពនៃការគេងទាំងស្ត្រី និងបុរស។
៨. ទឹកដោះគោជូរ ៖ ចង់បានបង្អែមខ្លះ បន្ទាប់ពីអាហារពេលល្ងាច? ទឹកដោះគោជូរមានជាតិកាល់ស្យូមដែលត្រូវការសម្រាប់ដំណើរការអ័រម៉ូនមេឡាតូនីនដែលជំរុញឱ្យគេងលក់។
៩. ផ្លែទំពាំងបាយជូរ ៖ ផ្លែទំពាំងបាយជូរ មានផ្ទុកជាតិមេឡាតូនីនដែលជម្រុញដល់ការគេងលក់៕
