ធ្លាក់ដុំឈាមពេលមករដូវ? ចង់បំបាត់ ចូរញ៊ាំ ខ្ទឹមស និងកុំភ្លេច តែខ្ញី

ចង់បញ្ឈប់ការធ្លាក់កំណកឈាមកំឡុងពេលមករដូវមិនពិបាកឡើយ! គួរធ្វើបែបណាទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះបែបធម្មជាតិដើម្បីដោះស្រាយបញ្ហានេះ ៖

១. ខ្ទឹមស

អ្វីដែលអ្នកត្រូវធ្វើ គឺគ្រាន់តែលាយខ្ទឹមស ១កំពឹសដែលចិញ្ច្រាំរួចក្នុងអាហារផ្សេងៗ ឬទំពារខ្ទឹមសសុទ្ធតែម្ដងក៏បាន។ ទទួលទានជាប្រចាំ ជាពិសេសនៅពេលអ្នកមករដូវ។ សមាសធាតុស្ពាន់ធ័រក្នុងខ្ទឹមសមានលក្ខណៈសម្បត្តិប្រឆាំងនឹងការកកឈាមដែលអាចជួយបំបាត់បញ្ហាធ្លាក់ដុំឈាមពេលមករដូវគួរឱ្យកត់សម្គាល់។

២. វីតាមីន

រួមមានវីតាមីន A, វីតាមីន B, វីតាមីន C និងវីតាមីន D អាចជួយដោះស្រាយបញ្ហាធ្លាក់ឈាមរដូវខ្លាំង ឬធ្លាក់ដុំឈាម។ ដូច្នេះដើម្បីជាការប្រសើរ ចូរព្យាយាមរួមបញ្ចូលអាហារសម្បូរវីតាមីនទាំងនេះក្នុងរបបអាហារប្រចាំថ្ងៃ។

៣. តែខ្ញី

អ្វីដែលអ្នកត្រូវធ្វើ គឺគ្រាន់តែដាក់ខ្ញីដែលចិញ្ច្រាំរួច ១ស្លាបព្រាកាហ្វេក្នុងទឹក ១ពែង រួចយកទៅដាំឱ្យពុះ ហើយរម្ងាស់សម្រាប់រយៈពេល ៥នាទី។ ត្រងកាកចេញ និងទុកឱ្យចុះត្រជាក់សិន សឹមបន្ថែមទឹកឃ្មុំចូលដើម្បីបង្កើនរសជាតិ។ ទទួលទាន ២ដងក្នុងមួយថ្ងៃ។

៤. តែផ្កា Chamomile

អ្វីដែលអ្នកត្រូវធ្វើ គឺគ្រាន់តែចាក់តែផ្កា Chamomile ១ ស្លាបព្រាកាហ្វេក្នុងទឹក ១ពែង និងដាក់ដាំឱ្យពុះ។ បន្ទាប់មកសឹមត្រងកាកតែចេញ និងទុកឱ្យចុះត្រជាក់សិន សឹមបន្ថែមទឹកឃ្មុំបន្តិចចូល។ កូរឱ្យសព្វ សឹមទទួលទានភ្លាមៗម្ដងក្នុងមួយថ្ងៃ។ សារធាតុ coumarin ក្នុងតែផ្កា chamomile អាចជួយពង្រាវឈាមដែលមានន័យថាកាត់បន្ថយឈាមកក។ បន្ថែមពីនេះតែផ្កា Chamomile ក៏មានលក្ខណៈសម្បត្តិប្រឆាំងការរលាកដែលជួយបំបាត់អាការៈឈឺចុកពោះពេលមករដូវផងដែរ។

៥. គ្រាប់ល្ពៅ

អ្វីដែលអ្នកត្រូវធ្វើ គឺគ្រាន់តែទទួលទានគ្រាប់ល្ពៅលីងរួច ២ស្លាបព្រាបាយក្នុងមួយថ្ងៃជាប្រចាំ។ អ្នកមិនគួរបន្ថែមអំបិល ឬស្ករនៅពេលលីងឡើយ។ គ្រាប់ល្ពៅមានផ្ទុកសារធាតុ phytosterols ក៏ដូចជាអាស៊ីតខ្លាញ់អូមេហ្កា ៣ ដែលអាចជួយបំបាត់បញ្ហាឈាមកកដុំៗកំឡុងពេលមករដូវ។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh មិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕