មាន៣យ៉ាង មាតាបិតារឹតតែតឹងរ៉ឹង កូននឹងជោគជ័យទៅថ្ងៃអនាគត។
ឱ្យកុមារចូលរួមក្នុងកិច្ចការផ្ទះតាំងពីតូច
ឪពុកម្តាយគ្រប់រូបចង់ផ្តល់ឱ្យកូនរបស់ពួកគេនូវជីវិតដ៏ល្អបំផុត និងពេញលេញបំផុត។ ដោយសារតែពួកគេស្រលាញ់កូនខ្លាំងពេក ឪពុកម្តាយតែងតែបិទបាំង និងធ្វើអ្វីៗគ្រប់យ៉ាងដើម្បីកូន ដោយមិនឲ្យកូនធ្វើអ្វីទាំងអស់ នេះជាកំហុសដ៏ធំមួយ។
ម្ដាយដែលពូកែខាងអប់រំកូនឱ្យក្លាយជាមនុស្សឆ្លាតក្នុងការរៀនសូត្រ ប៉ុន្តែមានបញ្ហាក្នុងការរៀបចំជីវិតផ្ទាល់ខ្លួន។
ការអប់រំគឺធ្វើឱ្យកុមារមានជីវិតកាន់តែប្រសើរ ដូច្នេះហើយ ឪពុកម្តាយត្រូវណែនាំកូនឱ្យចេះធ្វើកិច្ចការផ្ទះ និងជំនាញថែទាំខ្លួនឯង។
តាមរយៈការងារ កុមារនឹងរៀនមេរៀនជាច្រើនក្នុងជីវិត ហើយក៏រៀនស្រលាញ់ការងារ បណ្ដុះនូវគុណភាព និងសមត្ថភាពដែលអាចប្រើប្រាស់បានពេញមួយជីវិត។
ឱ្យកូនទទួលខុសត្រូវពេលធ្វើខុស
មាតាបិតាត្រូវបង្រៀនកូនឱ្យចេះទទួលខុសត្រូវចំពោះកំហុសដែលខ្លួនបានធ្វើ។
បន្ទាប់ពីកូនធ្វើខុស គឺជាពេលវេលាដ៏ល្អបំផុតដើម្បីអប់រំពួកគេ។ ប្រសិនបើមាតាបិតាអាចអប់រំកូនដោយអស់ពីចិត្តនៅពេលនេះ នោះពួកគេប្រាកដជានឹងកាន់តែល្អប្រសើរឡើង។
ពេលកូនធ្វើខុស ទុកឱ្យពួកគេទទួលរងផលវិបាក ហើយបង្កើនតម្លៃនៃកំហុសរបស់ពួកគេ។
នៅពេលកូននៅក្មេង កូននឹងមិនអាចបែងចែកខុសត្រូវទេ ជាធម្មតាមានតែឪពុកម្តាយទេដែលយល់ និងបង្រៀនពួកគេ។
ឱ្យកុមារខិតខំសិក្សា
ការសិក្សា និងអានច្រើនមិនមែនជាមធ្យោបាយតែមួយគត់សម្រាប់មនុស្សធម្មតានោះទេ ប៉ុន្តែវាពិតជាទ្វារដ៏ល្អបំផុតប្រសិនបើអ្នកចង់ក្លាយជាអ្នកមាន និងមានតំណែង។
ក្នុងនាមជាឪពុកម្តាយ អ្នកត្រូវទទួលខុសត្រូវចំពោះអនាគតកូន។ តាំងពីតូចមក ឪពុកម្ដាយត្រូវតឹងរ៉ឹងនឹងការសិក្សារបស់កូន ហើយទុកឲ្យកូនខំរៀន។ មានតែការអប់រំទេដែលអាចចិញ្ចឹមកូនរបស់អ្នកឱ្យមានព្រលឹងដ៏ស្រស់ស្អាត ដែលជាមូលដ្ឋានគ្រឹះដ៏ល្អសម្រាប់អនាគត៕
