អស់បារម្ភទៀតហើយ! កាត់បន្ថយកម្រិតជាតិអាស៊ីតអ៊ុយរិក ដោយគ្រាន់តែទទួលទានផ្លែឈើទាំងនេះ

កម្រិតនៃជាតិអាស៊ីតអ៊ុយរិកឡើងខ្ពស់បង្កឲ្យកើតមានបញ្ហានៃជំងឺរលាកសន្លាក់ឆ្អឹងមួយហៅថា ជំងឺរលាកសន្លាក់ហ្គោដ (gout) ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដើម្បីទប់ស្កាត់បញ្ហានៃជំងឺនេះ ការជ្រើសរើស ឬរក្សាបាននូវរបបអាហារត្រឹមត្រូវ និងការទទួលទានថ្នាំតាមវេជ្ជបញ្ជា គឺសំខាន់ណាស់។ ថាតើអាហារបែបណាទៅអាចជួយកាត់បន្ថយកម្រិតនៃជាតិអាស៊ីតអ៊ុយបានយ៉ាងមានប្រសិទ្ធិភាព? ខាងក្រោមវេបសាយសុខភាព Health.com.kh នឹងបង្ហាញឲ្យដឹងពីប្រភេទនៃផ្លែឈើដែលអ្នកមានបញ្ហាឡើងជាតិអាស៊ីតអ៊ុយរិកគួរទទួលទាន ៖

១. ផ្លែឈើមានរសជាតិជូរ

ផ្លែឈើដូចជា ក្រូចឆ្មារ, ក្រូចឃ្វិច, ផ្លែក្រូចលឿង, ក្រូចថ្លុង និងទំពាំងបាយជូរ គឺជាប្រភេទនៃផ្លែឈើដែលមានផ្ទុកសម្បូរទៅដោយវីតាមីន C ដែលប្រសើរណាស់សម្រាប់ការព្យាបាលជំងឺលើសជាតិអាស៊ីតអ៊ុយរិក ឬកាត់បន្ថយកម្រិតនៃជាតិអាស៊ីតនេះ។

២. ផ្លែចេក

ចេក គឺមានប្រយោជន៍ណាស់ក្នុងការកាត់បន្ថយកម្រិតនៃជាតិអាស៊ីតអ៊ុយរិក។ គ្រាន់តែទទួលទានចេកឲ្យបានពី ៨ ទៅ ៩ ផ្លែ សម្រាប់រយៈពេល ៣ ឬ ៤ ថ្ងៃ ក៏អាចជួយកាត់បន្ថយការរលាក និងការហើមនៃសន្លាក់ដែលបណ្ដាលមកពីការកើនឡើងនៃជាតិអាស៊ីតអ៊ុយរិកបានយ៉ាងប្រសើរ។

៣. ផ្លែប៉ោម

ប៉ោម ជាប្រភពដ៏ប្រសើរនៃជាតិអាស៊ីត malic ដែលជួយបន្សាបជាតិអាស៊ីតអ៊ុយរិក ហើយក៏សម្រាលអាការៈឈឺចាប់នៃជំងឺរលាកសន្លាក់ហ្គោដផងដែរ។ ដូច្នេះដើម្បីជាការប្រសើរអ្នកគួរទទួលទានផ្លែប៉ោមឲ្យបាន ១ ផ្លែជាប្រចាំក្រោយពេលអាហារ។

៤. ផ្លែឈើរី

ឈើរី មានផ្ទុកនូវសារធាតុប្រឆាំងការរលាកហៅថា anthocyanin ដែលជួយក្នុងការកាត់បន្ថយកម្រិតនៃជាតិអាស៊ីតអ៊ុយរិក។ វាទប់ស្កាត់អាស៊ីតអ៊ុយរិកមិនឲ្យប្រមូលផ្ដុំក្នុងសន្លាក់។ សារធាតុ anthocyanin ក៏ជួយទប់ស្កាត់ការរលាក និងការឈឺចាប់ផងដែរ។

៥. ស្ត្របឺរី

ជាជម្រើសនៃផ្លែឈើដ៏ល្អបំផុតមួយជួយក្នុងការកាត់បន្ថយកម្រិតនៃជាតិអាស៊ីតអ៊ុយរិក។ នោះក៏ព្រោះតែស្ត្របឺរីមានប្រសិទ្ធិភាពបន្សាបនូវរាល់ជាតិអាស៊ីត និងសមាសធាតុគីមីគ្រោះថ្នាក់ក្នុងរាងកាយ៕