សាច់មាន់មានជីវជាតិ ប៉ុន្តែមានផ្នែកខ្លះនៃសាច់ដែលអ្នកមិនគួរបរិភោគច្រើន ព្រោះវាអាចបង្កគ្រោះថ្នាក់ដល់សុខភាពរបស់អ្នក។
កញ្ចូញមាន់
កញ្ចូញមាន់គឺជាផ្នែកមួយដែលក្រពេញកូនកណ្តុរត្រូវបានប្រមូលផ្តុំ ដែល macrophages ត្រូវបានរក្សាទុក។ កោសិកានេះមានសមត្ថភាពស៊ីបាក់តេរី ប៉ុន្តែមិនអាចបំផ្លាញពួកវាបានទេ។ ដូច្នេះយូរៗទៅកន្លែងនេះនឹងក្លាយជាកន្លែងប្រមូលផ្តុំមេរោគជាបន្តបន្ទាប់។
លើសពីនេះកញ្ចូញមាន់ជាកន្លែងប្រមូលផ្តុំជាតិខ្លាញ់ ដូច្នេះវាមិនស័ក្តិសមនឹងអ្នកមានជំងឺសរសៃឈាមបេះដូង ធាត់…ទទួលទានឡើយ។
កមាន់
ទោះបីជាកមាន់មិនមានសាច់ច្រើនដូចផ្នែកផ្សេងទៀតក៏ដោយ វាត្រូវបានមនុស្សជាច្រើនចូលចិត្ត។ ទោះជាយ៉ាងណាក៏ដោយ ករបស់មាន់គឺជាការប្រមូលផ្តុំសំខាន់នៃសរសៃឈាម ក្រពេញកូនកណ្តុរ និងក្រពេញបន្សាបជាតិពុលផ្សេងទៀតនៅក្នុងជាលិការក្រោមស្បែកនៃក។ មានសារធាតុមួយចំនួនដែលមិនល្អសម្រាប់សុខភាព។ដូច្នេះ អ្នកគួរកំណត់ការទទួលទាន។
ថ្លើមមាន់
សរីរាង្គរបស់គោក្របី និងបសុបក្សីមិនល្អសម្រាប់សុខភាព។ ឧទាហរណ៍ សរីរាង្គរបស់មាន់រួមមាន បេះដូង ថ្លើម ពោះវៀន តម្រងនោម លំពែង និងពោះវៀនរបស់មាន់។ ទាំងនេះគឺជាសរីរាង្គដែលទទួលខុសត្រូវចំពោះការបំប្លែងសារជាតិគីមីពុល។ ដូច្នេះវាពិបាកក្នុងការជៀសវាងហានិភ័យនៃការផ្ទុកសារធាតុគ្រោះថ្នាក់ មេរោគ បាក់តេរី និងប៉ារ៉ាស៊ីតជាច្រើន។ ជាពិសេស ថ្វីត្បិតតែថ្លើមមាន់សម្បូរទៅដោយសារធាតុចិញ្ចឹមក៏ដោយ វាអាចប្រមូលផ្តុំលោហធាតុធ្ងន់ជាច្រើន និងមានផ្ទុកសារធាតុបង្កជំងឺ។
ដូច្នេះ ទោះបីជាអ្នកចូលចិត្តរសជាតិដ៏ឈ្ងុយឆ្ងាញ់នៃថ្លើមមាន់ក៏ដោយ អ្នកគួរតែកំណត់ការទទួលទាន។ អ្នកដែលមានជំងឺរលាកសន្លាក់ហ្គោតត្រូវតមថ្លើមមាន់ដែលមានសារធាតុ purines ដែលអាចធ្វើឱ្យជំងឺកាន់តែធ្ងន់ធ្ងរ។
មនុស្ស៦ក្រុមគួរចៀសវាងការទទួលទានសាច់មាន់ច្រើន
ថ្វីត្បិតតែមាន់មានរសជាតិឆ្ងាញ់ និងមានជីវជាតិក៏ដោយ ក៏មិនមែនគ្រប់គ្នាគួរញ៉ាំវាដែរ។ បើអ្នកមានជំងឺដូចខាងក្រោម អ្នកគួរកំណត់ការញ៉ាំសាច់មាន់។
ការវះកាត់ថ្មីថ្មោង
ក្រោយពេលវះកាត់ ការបរិភោគសាច់មាន់នឹងធ្វើឱ្យរមាស់ស្បែក ។ ទោះបីជាវាអាស្រ័យលើរាងកាយរបស់មនុស្សម្នាក់ៗក៏ដោយ យកល្អគួរតែចៀសវាងការទទួលទាន។
មនុស្សដែលមានរបួសបើកចំហ
សាច់មាន់គឺក្តៅខ្លាំង ដូច្នេះវាអាចធ្វើឱ្យរបួសហើម និងរមាស់។ ការញ៉ាំច្រើននឹងធ្វើឱ្យមុខរបួសមិនងាយជាសះស្បើយ។
អ្នកដែលមានសម្ពាធឈាមខ្ពស់ ជំងឺបេះដូង
ស្បែកមាន់មានផ្ទុកជាតិខ្លាញ់ និងកូលេស្តេរ៉ុលច្រើន ដូច្នេះអ្នកដែលមានជំងឺលើសឈាម និងបេះដូងមិនគួរញ៉ាំច្រើនទេ។
មនុស្សដែលមានជំងឺអុតស្វាយ
អ្នកដែលកើតជំងឺអុតស្វាយ គួរចៀសវាងការបរិភោគសាច់មាន់ ជាពិសេសស្បែកព្រោះវាអាចបណ្តាលឱ្យរមាស់ និងមិនស្រួលនៅក្នុងដុំពកអុតស្វាយ។
មនុស្សដែលទទួលរងពីការទល់លាមកនិងរាគ
យោងទៅតាមបទពិសោធន៍របស់ប្រជាជន ការទទួលទានសាច់មាន់ច្រើនធ្វើឱ្យមានការពិបាករំលាយអាហារ។ ដូច្នេះ អ្នកដែលមានបញ្ហាជាមួយប្រព័ន្ធរំលាយអាហារ គួរកំណត់ការទទួលទានរបស់ខ្លួន។
អ្នកដែលមានគ្រួសក្នុងតម្រងនោម
សាច់មាន់មានជាតិប្រូតេអ៊ីនខ្ពស់ ដែលអាចបណ្តាលឱ្យកម្រិត oxalate ក្នុងទឹកនោមកើនឡើង និងក្រួសក្នុងតម្រងនោម។ ដូច្នេះ អ្នកដែលមានជំងឺគ្រួសក្នុងតម្រងនោម គួរកំណត់ការទទួលទានសាច់នេះ៕
