វីរុសបង្កជំងឺមហារីកមាត់ស្បូនឈ្មោះថា Human Papillomavirus (HPV) គឺជាជំងឺកាមរោគមួយប្រភេទដែលមានទំនាក់ទំនងនឹងជំងឺមហារីកមាត់ស្បូន និងមហារីកផ្សេងៗទៀត។ វ៉ាក់សាំងបង្ការវីរុស HPV នេះត្រូវបានបង្កើតឡើងក្នុងការបង្ការការបង្ករោគដោយវីរុស HPV-16 និង HPV-18 ដែលវាត្រូវបានគេរកឃើញថាមានភាគរយបង្កជំងឺមហារីកមាត់ស្បូនរហូតដល់ ៧០ភាគរយឯណោះ។
វីរុសនេះក៏នាំឲ្យកើតជំងឺមហារីករន្ធគូថ លិង្គ ទ្វារមាស និងបំពង់កដែរ។ ខាងក្រោមនេះគឺជាការណែនាំខ្លះចំពោះអ្នកដែលគួរតែចាក់វ៉ាក់សាំងនេះ៖
- វ៉ាក់សាំងនេះគួរចាក់ក្នុងពេលវេលាដ៏ល្អបំផុតគឺអាយុ ១១ ឬ១២ឆ្នាំ ដោយសារតែវានឹងបង្កើតជាការឆ្លើយតបនឹងប្រព័ន្ធភាពស៊ាំខ្លាំងបំផុត
- វ៉ាក់សាំងនេះក៏ត្រូវបានគេណែនាំសម្រាប់ស្រ្តីដែលអាយុចាប់ពី ១៣ឆ្នាំទៅ ២៦ឆ្នាំដែលមិនបានបានចាក់រួច និងបុរសអាយុ ១៣ ទៅ ២១ឆ្នាំដែលមិនបានចាក់ដែរ។ បុរសវ័យ ២២ ទៅ ២៦ឆ្នាំក៏ត្រូវចាក់វ៉ាក់សាំងដែរ ប៉ុន្តែវាមិនមានប្រសិទ្ធភាពឡើយបើសិនជាចាក់នៅអាយុច្រើនជាងនេះ
- វ៉ាក់សាំងនេះមិនត្រូវបានគេណែនាំឲ្យប្រើលើមនុស្សអាយុចាប់ពី ២៦ឆ្នាំឡើង។ ខណៈពេលវាមានសុវត្ថិភាពមែន តែមិនផ្តល់ប្រយោជន៍អ្វីច្រើនឡើយ៕