ជួយចែករំលែក! គន្លឹះប្រើ ទឹកឃ្មុំ និងគ្រឿងផ្សំធម្មជាតិ ព្យាបាលបញ្ហា ស្បែកមុខរបក

បញ្ហារបកស្បែកមុខព្រោះស្ងួតខ្លាំងមែនទេ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗប្រើប្រាស់រូបមន្តធម្មជាតិព្យាបាលបញ្ហាស្បែកមុខរបក ៖

១. ទឹកឃ្មុំ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាទឹកឃ្មុំ ១ស្រទាប់ស្ដើងលើតំបន់ស្បែកដែលមានបញ្ហា និងរងចាំសម្រាប់រយៈពេលប្រហែល ២០នាទី សឹមលាងសម្អាតចេញជាមួយទឹកក្ដៅឧណ្ហៗ។ ដើម្បីទទួលបានលទ្ធផលកាន់តែប្រសើរ ចូរជ្រើសរើសទឹកឃ្មុំឆៅនិងសរីរាង្គ។

២. ទឹកដោះគោស្រស់

អ្វីដែលអ្នកត្រូវធ្វើ គឺគ្រាន់តែលាបទឹកដោះគោស្រស់សុទ្ធលើស្បែកមុខដោយប្រើប្រាស់បន្ទះសំឡី។ រងចាំរហូតស្ងួតទាំងស្រុងសិន សឹមលាងសម្អាតចេញជាមួយទឹកក្ដៅឧណ្ហៗតាមក្រោយ។ អនុវត្តរូបមន្តនេះនៅពេលព្រឹកនិងយប់មុនគេង។

៣. ប្រេងដូង

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងដូងមួយស្រទាប់ស្ដើងលើស្បែកមុខជាការស្រេច។

៤. ជែលប្រទាលកន្ទុយក្រពើស្រស់

២ដងក្នុងមួយសប្តាហ៍ ចូរកាត់ប្រទាលកន្ទុយក្រពើយកជែលស្រស់ៗលាបលើស្បែកមុខ និងរងចាំសម្រាប់រយៈពេលពី ១៥ ទៅ ២០នាទី សឹមលាងសម្អាតចេញជាមួយទឹកក្ដៅឧណ្ហៗ។ ប្រសិនបើគ្មានជែលប្រទាលកន្ទុយក្រពើស្រស់ទេនោះ អ្នកអាចប្រើប្រាស់ទឹកប្រទាលកន្ទុយក្រពើស្រស់សុទ្ធ ១០០ភាគរយ។

៥. ទឹក

អ្វីដែលអ្នកត្រូវធ្វើ គឺគ្រាន់តែទទួលទានទឹកឱ្យបានយ៉ាងហោចណាស់ប្រមាណ ២លីត្រក្នុងមួយថ្ងៃ។ ការទទួលទានផ្លែឈើនិងបន្លែផ្សេងទៀតល្អផងដែរដើម្បីរក្សាបានជាតិទឹកគ្រប់គ្រាន់ក្នុងរាងកាយ។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕