ការញ៉ាំអាហារមុនពេលគេងអាចជារឿងដែលផ្តល់ប្រយោជន៍ តែបើសិនជាញ៉ាំនៅពេលយប់ជ្រៅពេក អាចជាបញ្ហាវិញ ។ យកល្អ គួរតែធ្វើទៅតាមដំបូន្មានដូចខាងក្រោមនេះផង ៖
• ចូរប្រាកដថា អ្នកបានញ៉ាំអាហារ និងអាហារសម្រន់ផ្តល់សុខភាពជាទៀងទាត់ ដើម្បីចៀសផុតពីការឃ្លានអាហារច្រើនដង ។ ចូរញ៉ាំអាហារពេលព្រឹកជានិច្ច ប៉ុន្តែមិនត្រូវញ៉ាំច្រើនជ្រុលពេក
• ចូរជ្រើសរើសប្រូតេអ៊ីនញ៉ាំ ៣០ក្រាម ជារៀងរាល់ពេល និងបន្ថែមជាតិសរសៃផង ។ ស្ត្រីគួរតែញ៉ាំជាតិសរសៃរាល់ថ្ងៃ ២៥ក្រាម និងបុរសអាចបាន ៣៨ក្រាម។
• ចូរគេងរាល់យប់ឲ្យបានពី ៧ ទៅ ៨ម៉ោងក្នុងមួយយប់
• មិនត្រូវញ៉ាំអាហារបណ្តើរមើលទូរទស្សន៍បណ្តើរ លេងហ្គេមបណ្តើរ ឬធ្វើការមុខកំព្យូទ័របណ្តើរឡើយ
• ចូរសួរខ្លួនឯងថា តើអ្នកពិតជាឃ្លាន ឬញ៉ាំ ដើម្បីបំបាត់អារម្មណ៍ធុញធប់ ។ បើសិនជាអ្នកឃ្លាន ចូរជ្រើសរើសអាហារសម្រន់ដែលផ្តល់សុខភាព ដូចជាផ្លែប៉ោម ឬសារីជាដើម ៕
