ក្នុងចំណោមស្ដ្រីមានផ្ទៃពោះចំនួន១០នាក់ មានម្នាក់មានជំងឺលើសសម្ពាធឈាមអំឡុងពេលមានផ្ទៃពោះ ដែលអាចបង្កជាផលវិបាកយ៉ាងធ្ងន់ធ្ងរ ឬអាចមានគ្រោះថ្នាក់ខ្ពស់ដល់ជីវិត។ នេះ បើយោងតាមទំព័រហ្វេសប៊ុកនៃមន្ទីរពេទ្យកាល់ម៉ែត្រ ។
ប្រភពដដែល បានបញ្ជាក់ថា កត្តាដែលស្ត្រីមានផ្ទៃពោះ ងាយប្រឈមមុខនឹងជំងឺលើសសម្ពាធឈាមដោយសារតែ៖
-ស្ដ្រីដែលមានផ្ទៃពោះមានអាយុលើសពី៤០ឆ្នាំ ឬតិចជាង១៨ឆ្នាំ
-ស្ដ្រីធាត់ខ្លាំង
-ស្ដ្រីធ្លាប់មានជំងឺបម្រុងក្រឡាភ្លើងពីមុនមក
-ស្ដ្រីពពោះកូនភ្លោះ
-ស្ត្រីមានជំងឺលើសឈាម
-ស្ដ្រីមានវិបត្តិតម្រងនោម
-ស្ដ្រីមានជំងឺពាក់ពន្ធ័ទៅនឹងប្រព័ន្ធប្រឆាំងរាងកាយ (autoimmune disease)
-ស្ដ្រីមានជំងឺទឹកនោមផ្អែមស្រាប់។
អាស្រ័យហេតុនេះ ស្ត្រីមានផ្ទៃពោះ ដែលមានលក្ខខណ្ឌដូចខាងលើ សូមប្រញាប់ប្រញាល់ទៅជួបគ្រូពេទ្យជំនាញជាបន្ទាន់ ដើម្បីកាត់បន្ថយអត្រាការស្លាប់របស់ម្ដាយ និងទារកអំឡុងពេលមានផ្ទៃពោះ និងពេលសម្រាល៕