ជម្ងឺលើសឈាមត្រូវតែយកចិត្តទុកដាក់ជាប្រចាំ។ អ្នកដែលមានជម្ងឺនេះ ត្រូវការតាមដានសម្ពាធឈាមរបស់ពួកគេឱ្យបានទៀងទាត់។ ក្នុងករណីមានសម្ពាធឈាមខ្ពស់ កម្លាំងនៃការរុញឈាមគឺបុកកកិតនឹងសរសៃឈាមជាប្រចាំ ដែលធ្វើឱ្យសរសៃឈាមមានប្រឈមនឹងដាច់ ឬ ស្ទះ។
គ្រោះថ្នាក់នៃជម្ងឺលើសឈាម គឺថា វាអាចនឹងមិនមានរោគសញ្ញាអ្វីសោះ ដែលជាមូលហេតុវាត្រូវបានគេស្គាល់ផងដែរថា ជាឃាតករស្ងៀមស្ងាត់ ។ សម្ពាធឈាមធម្មតាគឺស្ថិតនៅចន្លោះពី 90/60 និង 120/80mHg។
យោងទៅតាម Cleveland Clinic បានឱ្យដឹងថា ក្នុងករណីដែលសម្ពាធឈាមរបស់អ្នកឡើងខ្ពស់ហួសកម្រិតជាក់លាក់មួយ ហើយឡើងឆាប់រហ័ស អ្នកត្រូវទៅពេទ្យជាបន្ទាន់។
សេវាសុខភាពជាតិ (NHS) សហរដ្ឋអាមេរិក បានលើកឡើងថា អ្នកត្រូវបានចាត់ទុកថាមានជម្ងឺលើសឈាម ប្រសិនបើកម្រិតនៃសម្ពាធឈាមរបស់អ្នកឡើងដល់ 140/90 mmHg ឬក៏ច្រើនជាងនេះ។ ប្រសិនបើអ្នកមានអាយុលើសពី ៨០ឆ្នាំ អ្នកត្រូវបានចាត់ទុកថាមានជម្ងឹលើសឈាមប្រសិនបើអ្នកមានសម្ពាធឈាមខ្ពស់ជាង 150/90 mmHg។
អ្នកដែលមានជម្ងឺលើសឈាម ត្រូវការការយកចិត្តទុកដាក់ខាងវេជ្ជសាស្ត្រជាបន្ទាន់ ប្រសិនបើសម្ពាធឈាមខ្ពស់ជាង 180/120 mmHg។ ដូចគ្នាផងដែរ ប្រសិនបើអ្នកមានរោគសញ្ញាដូចខាងក្រោមនេះ សូមទៅផ្នែកសង្គ្រោះបន្ទាន់នៅមន្ទីរពេទ្យភ្លាម៖
• ស្ពឹកស្រពន់រាងកាយ ឬ មានអារម្មណ៍ថាខ្សោយ
• ភ្នែកមើលមិនសូវច្បាស់ ឬ បែកជាពីរ
• ពិបាកនិយាយ
• ពិបាកដើរ ឬ ធ្វើចលនា
• ហត់ ឬ ពិបាកដកដង្ហើម
• ឈឺទ្រូង
• ឈឺក្បាលខ្លាំង៕