ការកាត់បន្ថយការដេក ទោះបីជាតិចតួចក៏ដោយ ក៏មានការប៉ះពាល់ទៅដល់ កំរិតអ័រម៉ូនតេស្តូស្តេរ៉ូន (Testosterone) របស់បុរសបានដែរ ។ ការសិក្សាថ្មីមួយគេបានរកបង្ហាញថា ការមិនបានដេករយៈពេលមួយសប្តាហ៍ធ្វើអោយថយចុះនៃកំរិតអ័រម៉ូន Testosterone រហូតដល់ ១៥% ក្នុងចំនោមមនុស្សប្រុសវ័យក្មេងដែលមានសុខភាពល្អ ។
អ្នកស្រាវជ្រាវបាននិយាយថា កាលណាកំរិតអ័រម៉ូន Testosterone ទាប អាចធ្វើអោយមានផលប៉ះពាល់អវិជ្ជមានទៅលើសុខភាពបុរស ជាច្រើនរបៀបខុសៗគ្នាដែលក្នុងនោះក៏មានទាក់ទងនឹងអត្តចរិតនៃការរួមភេទផងដែរ ។
ឧទាហរណ៍ កំរិតអ័រម៉ូន Testosterone ដែលទាបបំផុត ឬ មិនសូវមាន Testosterone ធ្វើអោយមិនសូវមានកំលាំងកំហែង កាត់បន្ថយចំនង់ផ្លូវភេទ ពុំមានការផ្ចង់អារម្មណ៍បានល្អ និងអស់កំលាំង ។
អ័រម៉ូន Testosterone ក៏ជាផ្នែកមួយក្នុងការបង្កើតទៅជាសាច់ដុំដែលរឹងមាំ និងដង់ស៊ីតេរបស់ធ្មេញ ។ ចំពោះមនុស្សប្រុសចាប់ពី ៤០ឆ្នាំឡើងទៅ ធ្វើអោយកំរិត Testosterone មានការថយចុះជាលំដាប់ និងជាលក្ខណៈធម្មជាតិ ដោយក្នុងមួយឆ្នាំមានការថយចុះប្រហែលពី ១ ទៅ ២% ។
ការដេកប៉ះពាល់ទៅលើកំរិតអ័រម៉ូន Testosterone
តាមការសិក្សាមួយដែលបានចុះផ្សាយនៅក្នុង សារព័តមានរបស់ American Medical Association អ្នកស្រាវជ្រាវជាច្រើនបានប្រៀបធៀបកំរិត Testosterone នៅក្នុងក្រុមនុស្សប្រុសដែលមានសុខភាពល្អ ១០នាក់ បន្ទាប់ពីបានដេកធម្មតាមួយសប្តាហ៍ និងមិនបានដេកមួយសប្តាហ៍ ។
ក្នុងសប្តាហ៍ដំបូង បេក្ខជនជាច្រើនបានដេករយៈពេល ៨ម៉ោងក្នុងមួយយប់ បន្ទាប់មកពួកគេត្រូវដេករយៈពេល ១០ម៉ោងក្នុងមួយយប់រយៈពេល ៣យប់នៅផ្ទះរបស់គេ ហើយក្រោយមកត្រូវដេក នៅក្នុងមន្ទីរពិសោធន៍ អោយបាន ៥ម៉ោងក្នុងមួយយប់ រយៈពេល ៨យប់ទៀត ។
លទ្ធផលបានបង្ហាញថា កំរិត Testosterone មានការថយចុះពី ១០ ទៅ ១៥% បន្ទាប់ពីមិនបានដេក រយៈពេល មួយសប្តាហ៍ បើប្រៀបធៀបនឹងការសំរាករបស់ពួកគេ ។ ការថយចុះនៃកំរិត Testosterone ធ្វើអោយបេក្ខជនមួយចំនួនមានការអស់កំលាំង ។
អ្នកស្រាវជ្រាវជាច្រើននិយាយថា ប្រហែលជា ១៥%នៃអ្នកធ្វើការនៅសហរដ្ឋអាមេរិកមានពេល តែ ៥ម៉ោង ឬតិចជាងនេះប៉ុណ្ណោះសំរាប់ការដេកនៅពេលយប់ ហើយការសិក្សានេះបញ្ជាក់ថាការអត់ងងុយរយៈពេលយូរ អាចផ្តល់ជាផលអវិជ្ជមាន ទៅលើ Testosterone និង ភាពសុខស្រួលរបស់បុរសនៅពេលរួមភេទ ៕