ការផឹកតែជារៀងរាល់ថ្ងៃគឺជាទម្លាប់ដ៏ល្អមួយ ប៉ុន្តែប្រសិនបើអ្នកផ្សំតែជាមួយនឹងមុខម្ហូបខាងក្រោមនេះ សូមប្រយ័ត្នព្រោះវាអាចបង្កគ្រោះថ្នាក់ដោយនឹកស្មានមិនដល់។
តែគឺជាភេសជ្ជៈដ៏ពេញនិយមបំផុតមួយនៅក្នុងពិភពលោក ដែលមនុស្សជាច្រើនចូលចិត្ត ដោយសាររសជាតិឆ្ងាញ់ និងអត្ថប្រយោជន៍សំខាន់ៗសម្រាប់សុខភាព។
ទឹកតែមិនត្រឹមតែជួយការពារសរសៃឈាមបេះដូងប៉ុណ្ណោះទេ ថែមទាំងជួយកាត់បន្ថយការរលាក ធ្វើអោយប្រសើរឡើងនូវមុខងាររំលាយអាហារ និងជួយឱ្យខួរក្បាលមានការប្រុងប្រយត្ន័ថែមទៀត។
ទោះជាយ៉ាងណាក៏ដោយ ព័ត៌មានថ្មីៗពីអ្នកជំនាញផ្នែកអាហារូបត្ថម្ភ ឱសថការី Deborah Grayson នៅចក្រភពអង់គ្លេស បានបង្ហាញថា ការផ្សំតែជាមួយអាហារមួយចំនួនអាចបណ្តាលឱ្យមានបញ្ហាសុខភាពមួយចំនួន។ ជាពិសេស ការផឹកតែជាមួយអាហារសម្បូរជាតិដែក អាចនាំឱ្យប្រឈមមុខនឹងកង្វះអាហារូបត្ថម្ភធ្ងន់ធ្ងរ។
អាហារសម្បូរជាតិដែកដូចជាសាច់គោអាំង និងសាច់អាំង ក៏ដូចជាបន្លែបៃតងដូចជា ស្ពៃស្ពីណាច, ប្រូខូលី និង ខាត់ណា ត្រូវការការយកចិត្តទុកដាក់។ ប្រសិនបើអ្នកផឹកតែជាមួយអាហារជាប្រចាំ អ្នកអាចក្លាយទៅជាស្លេកស្លាំង។ ជាពិសេស ស្ត្រីពេលមករដូវងាយនឹងកើតជំងឺស្លេកស្លាំងជាងក្រុមដទៃ។
តាមរយៈការណែនាំពីអ្នកជំនាញ វាជារឿងសំខាន់ដែលយើងត្រូវប្រុងប្រយ័ត្នបន្ថែមទៀតក្នុងការផ្សំរបបអាហាររបស់យើង ដើម្បីធានាបាននូវសុខភាពល្អបំផុត។
ការសិក្សាថ្មីៗបង្ហាញថា តែ និងកាហ្វេមានសមាសធាតុដែលអាចរារាំងការស្រូបយកជាតិដែក ជាពិសេសសារធាតុ polyphenols ដែលជាសារធាតុដែលមានប្រសិទ្ធភាពប្រឆាំងនឹងការរលាក។ សារធាតុ Polyphenols មានវត្តមាននៅក្នុងកំហាប់ទាបជាងច្រើននៅក្នុងផ្លែឈើ និងបន្លែ។
កង្វះជាតិដែកអាចនាំឱ្យមានភាពស្លេកស្លាំង បណ្តាលឱ្យមានរោគសញ្ញាមិនល្អជាច្រើនដូចជា អស់កម្លាំងរ៉ាំរ៉ៃ ជ្រុះសក់ និងការឆ្លងមេរោគញឹកញាប់។
លើសពីនេះ អ្នកឯកទេសអាហារូបត្ថម្ភសង្កត់ធ្ងន់ថា ប្រសិនបើអ្នកកំពុងស្វែងរកការឡើងទម្ងន់ ឬអភិវឌ្ឍសាច់ដុំ វាជាការល្អបំផុតក្នុងការកំណត់បរិមាណសារធាតុរាវដែលទទួលទាននៅពេលអាហារ។ វត្តមាននៃសារធាតុរាវនៅក្នុងក្រពះអាចប៉ះពាល់ដល់សមត្ថភាពរបស់អ្នកក្នុងការរំលាយអាហារ។ ដូច្នេះ អ្នកដែលមានបញ្ហាមិនឃ្លានអាហារ គួរតែផឹកទឹកតែពីរបីស្លាបព្រាប៉ុណ្ណោះ បើចាំបាច់ ចៀសវាងផឹកច្រើន។
មួយវិញទៀតអ្នកត្រូវញ៉ាំអាហារពេលល្ងាចយ៉ាងហោចណាស់ 3 ម៉ោងមុនពេលចូលគេង ហើយមិនត្រូវដេកភ្លាមៗបន្ទាប់ពីញ៉ាំអាហារដើម្បីការពារការចាល់អាស៊ីត។ សូម្បីតែការញ៉ាំអាហារនៅតុជំនួសឱ្យសាឡុងក៏អាចជួយដល់ការរំលាយអាហារបានប្រសើរដែរ៕
