ទោះបីជាការទទួលទានសាច់ក្រហមនៅតែមានភាពចម្រូងចម្រាសដោយសារតែហានិភ័យសុខភាពដែលអាចកើតមានក៏ដោយ វាបានផ្តល់នូវអត្ថប្រយោជន៍ជាច្រើនដល់សុខភាព។
ខាងក្រោមនេះ ជាអត្ថប្រយោជន៍សុខភាពដែលអ្នកនឹងទទួលបានពីការទទួលទានសាច់ក្រហម៖
- សម្បូរទៅដោយប្រូតេអ៊ីន
សាច់ក្រហមគឺជាប្រភពដ៏ល្អនៃប្រូតេអ៊ីន ដែលមានសារៈសំខាន់សម្រាប់ការជួសជុល និងការលូតលាស់សាច់ដុំ មុខងារប្រព័ន្ធភាពស៊ាំ និងការថែរក្សារាងកាយទាំងមូល។
- សម្បូរទៅដោយវីតាមីន និងសារធាតុរ៉ែ
សាច់ក្រហមសម្បូរទៅដោយវីតាមីន B ជួយដល់ការផលិតថាមពល និងការបង្កើតកោសិកាឈាមក្រហម។ វាក៏ជាប្រភពនៃសារធាតុរ៉ែសំខាន់ៗដូចជា ជាតិដែក ស័ង្កសី និងសេលេញ៉ូម។
- ពង្រឹងភាពស៊ាំ
ស័ង្កសីដែលមាននៅក្នុងសាច់ក្រហមមានសារៈសំខាន់សម្រាប់រក្សាប្រព័ន្ធការពារដែលមានសុខភាពល្អ ជួយព្យាបាលមុខរបួស និងជួយដល់ការលូតលាស់រាងកាយ។
- ធ្វើអោយប្រសើរឡើងនូវម៉ាសសាច់ដុំ
ដោយសារតែមាតិកាប្រូតេអ៊ីនខ្ពស់របស់វា និងអាស៊ីតអាមីណូសំខាន់ៗ សាច់ក្រហមមានប្រយោជន៍ជម្រុញដល់ការលូតលាស់ និងរក្សាសាច់ដុំ ជាពិសេសសម្រាប់មនុស្សចាស់។
- ជំនួយសុខភាពផ្លូវចិត្ត
វីតាមីន B ជាពិសេស B12 មានសារៈសំខាន់សម្រាប់មុខងារសរសៃប្រសាទ និងការផលិតប្រព័ន្ធសរសៃប្រសាទ។
អ្នកជំនាញនិយាយថា ការទទួលទានសាច់ក្រហមអាចជួយការពារកង្វះ B12 ដែលត្រូវបានផ្សារភ្ជាប់ទៅនឹងជំងឺធ្លាក់ទឹកចិត្ត និងការថយចុះបញ្ញា។
- បំប្លែងថាមពល
ជាតិដែក ស័ង្កសី និងវីតាមីន B នៅក្នុងសាច់ក្រហមដើរតួយ៉ាងសំខាន់ក្នុងការបំប្លែងថាមពល។ ពួកគេធានាថារាងកាយអាចបំប្លែងអាហារទៅជាថាមពលដែលអាចប្រើប្រាស់បានយ៉ាងមានប្រសិទ្ធភាព។
បើទោះបីជាសាច់ក្រហមមានប្រយោជន៍ជាច្រើនដល់សុខភាពក៏ពិតមែន ប៉ុន្តែចូរប្រយ័ត្នពេលញ៉ាំវា។ ការទទួលទានសាច់ក្រហមច្រើនពេក ជាពិសេសសាច់កែច្នៃ ត្រូវបានផ្សារភ្ជាប់ជាមួយនឹងការកើនឡើងហានិភ័យនៃជំងឺសរសៃឈាមបេះដូង មហារីកពោះវៀនធំ និងជំងឺទឹកនោមផ្អែមប្រភេទទី 2 ៕
