អ្នកជំងឺលើសសម្ពាធឈាមគួរញ៉ាំផ្លែឈើ៥ប្រភេទដើម្បីជួយបញ្ចៀសហានិភ័យជំងឺដាច់សរសៃឈាមខួរក្បាលខាងក្រោមនេះគឺជាផ្លែឈើចំនួន 5 ដែលត្រូវបានគេចាត់ទុកថាជា “ថ្នាំអព្ភូតហេតុ” ក្នុងការរក្សាលំនឹងសម្ពាធឈាម ដែលមនុស្សដែលមានសម្ពាធឈាមខ្ពស់គួរតែបន្ថែមជាប្រចាំទៅក្នុងរបបអាហារប្រចាំថ្ងៃរបស់ពួកគេ។
- ចេក
ចេកមានផ្ទុកប៉ូតាស្យូមច្រើន ដែលជាសារធាតុរ៉ែដ៏សំខាន់ជួយកាត់បន្ថយសម្ពាធឈាម ដោយធ្វើឱ្យមានតុល្យភាពបរិមាណសូដ្យូមក្នុងរាងកាយ។ - ឪឡឹក
ឪឡឹកគឺជាប្រភពនៃ citrulline ដែលជាអាស៊ីតអាមីណូដែលជួយពង្រីកសរសៃឈាម ដោយកាត់បន្ថយសម្ពាធលើប្រព័ន្ធសរសៃឈាមបេះដូង និងបញ្ចុះសម្ពាធឈាម។ លើសពីនេះ ឪឡឹកក៏មានផ្ទុកជាតិទឹកច្រើនដែរ ជួយឱ្យរាងកាយរក្សាសំណើម និងធ្វើឱ្យឈាមរត់បានប្រសើរឡើង។
- ពពួកក្រូច
ពពួកនៃក្រូច មិនត្រឹមតែសម្បូរទៅដោយវីតាមីន C ប៉ុណ្ណោះទេ ថែមទាំងមានផ្ទុកនូវសារជាតិ flavonoids ដែលជាសមាសធាតុធម្មជាតិដែលជួយពង្រឹងមុខងារសរសៃឈាម និងធ្វើអោយឈាមរត់បានប្រសើរឡើង។
លើសពីនេះ ផ្លែក្រូចក៏ផ្តល់ប៉ូតាស្យូម និងម៉ាញ៉េស្យូម ដែលជួយកាត់បន្ថយសម្ពាធឈាមតាមបែបធម្មជាតិ។
- គីវី
គីវីសម្បូរទៅដោយជាតិសរសៃ និងសារធាតុប្រឆាំងអុកស៊ីតកម្ម ជាពិសេសវីតាមីន C ដែលជួយកែលម្អសុខភាពសរសៃឈាម និងការពារជំងឺក្រិនសរសៃឈាម។
ការសិក្សាមួយបានបង្ហាញថា ការទទួលទានផ្លែគីវី ៣ ផ្លែក្នុងមួយថ្ងៃអាចកាត់បន្ថយសម្ពាធឈាមយ៉ាងខ្លាំង។
- ផ្លែទទឹម
ផ្លែទទឹមមានផ្ទុកសារធាតុ polyphenols ជាច្រើន ដែលជាសារធាតុប្រឆាំងអុកស៊ីតកម្មដ៏មានឥទ្ធិពលដែលជួយការពារសរសៃឈាមពីឥទ្ធិពលនៃជំងឺលើសឈាម។
ផ្លែទទឹមក៏ជួយធ្វើឱ្យឈាមរត់បានប្រសើរឡើង កាត់បន្ថយហានិភ័យនៃជំងឺសរសៃឈាមបេះដូង និងដាច់សរសៃឈាមខួរក្បាល៕