អ្នកមានជំងឺទឹកនោមផ្អែម អាចបាត់បង់ចំណង់អាហារដោយហេតុផលមួយចំនួន តែមិនមែនអ្នកជំងឺនេះទាំងអស់សុទ្ធតែកើតមានអាការៈបាត់បង់ចំណង់អាហារនោះទេ ។ ចំពោះអ្នកជំងឺទឹកនោមផ្អែមដែលបាត់បង់ចំណង់អាហារ អាចបណ្តាលមកពីបញ្ហាដូចខាងក្រោម៖
ជំងឺក្រពះ៖ ជំងឺនេះកើតឡើងនៅពេលអាហារនៅក្នុងក្រពះយូរ ដោយសារតែប្រព័ន្ធប្រសាទដែលតែងតែជួយកន្ត្រាក់សាច់ដុំដើម្បីរុញអាហារឲ្យទៅពោះវៀនខូចខាត។ អ្នកជំងឺទឹកនោមផ្អែម ច្រើនតែប្រឈមនឹងបញ្ហាក្រពះនេះ។
ជំងឺបាក់ទឹកចិត្ត៖ អ្នកមានជំងឺទឹកនោមផ្អែម មានហានិភ័យខ្ពស់កើតមានជំងឺបាក់ទឹកចិត្ត ដោយសារអ្នកជំងឺច្រើនកើតមានអារម្មណ៍ស្ត្រេស ដែលបង្កឲអ្នកជំងឺបាត់បង់ចំណង់អាហារ។
ការប្រើថ្នាំ៖ ថ្នាំសម្រាប់ជំងឺទឹកនោមផ្អែមជួយអ្នកជំងឺឲ្យគ្រប់គ្រងកម្រិតជាតិស្ករក្នុងឈាម ប៉ុន្តែក៏អាចធ្វើឲ្យអ្នកជំងឺបាត់បង់ចំណង់អាហារដែរ។ ថ្នាំផ្សេងទៀត ក៏អាចឲជំងឺទឹកនោមផ្អែមបាត់បង់ចំណីអាហារដែរ។
ឈឺ ឫគ្រុន៖ អ្នកជំងឺទឹកនោមផ្អែមក៏អាចកើតផ្ដាសាយធម្មតា ឬផ្ដាសាយធំដែរ ដែលអាចរំខានដល់ចំណង់អាហារ។
ការគ្រប់គ្រងជំងឺមិនបានល្អ៖ ការគ្រប់គ្រងកម្រិតជាតិស្ករមិនបានល្អ បង្កឲ្យជាតិស្ករឡើងជាប់ជាប្រចាំ ក៏អាចធ្វើឲ្យអ្នកជំងឺទឹកនោមផ្អែមបាត់បង់ចំណង់អាហារដែរ៕
