ចំពោះអ្នកជំងឺដែលមានជំងឺទឹកនោមផ្អែម របបអាហារត្រូវការការយកចិត្តទុកដាក់យ៉ាងខ្លាំង សូម្បីតែផ្លែឈើខ្លះមិនត្រូវបានគេប្រើប្រាស់តាមអំពើចិត្តក៏ដោយ។
ជំងឺទឹកនោមផ្អែម គឺជាជំងឺដ៏គ្រោះថ្នាក់មួយ ដែលមនុស្សកាន់តែច្រើនឡើងៗទទួលរងពីជំងឺនេះ។ នៅពេលមានជំងឺទឹកនោមផ្អែម បន្ថែមពីលើការលេបថ្នាំ អ្នកជំងឺក៏ត្រូវយកចិត្តទុកដាក់លើរបបអាហារផងដែរ។
មនុស្សជាច្រើននៅតែមានជំនឿថា ផ្លែឈើជាអាហារផ្តល់សុខភាពអាចទទួលទានតាមចិត្ត។ ប៉ុន្តែវាមិនមែនជាការពិតនោះទេ។ មានផ្លែឈើមួយចំនួនដែលមានរស់ជាតិផ្អែម តែបែរជាល្អសម្រាប់អ្នកជំងឺទឹកនោមផ្អែម ប៉ុន្តែក៏មានផ្លែឈើដែលមានជាតិជូរ ហើយបង្កើនជាតិស្ករផងដែរ។
ផ្លែឈើ៥មុខល្អសម្រាប់អ្នកជំងឺទឹកនោមផ្អែម ទាំងបញ្ចុះជាតិស្ករក្នុងឈាម និងកាត់បន្ថយផលវិបាក
ឃីវី
ផ្លែឃីវីសម្បូរទៅដោយសារធាតុរ៉ែ កាល់ស្យូម ផូស្វ័រ ជាតិដែក ការ៉ូទីន និងវីតាមីនជាច្រើន បន្ទាប់ពីទទួលទានរួច រាងកាយនឹងទទួលបានអត្ថប្រយោជន៍យ៉ាងច្រើនសម្រាប់ប្រព័ន្ធការពាររាងកាយ។ ជាពិសេសនៅក្នុងផ្លែគីវីមានបរិមាណក្រូមីញ៉ូមច្រើន សារធាតុនេះអាចជំរុញកោសិកាឱ្យផលិតអាំងស៊ុយលីន ដោយហេតុនេះកាត់បន្ថយជាតិស្ករក្នុងឈាម ដែលមានប្រយោជន៍ច្រើនក្នុងការព្យាបាលជំងឺទឹកនោមផ្អែម។
ផ្លែប៉ោម
ផ្លែប៉ោមគឺជាផ្លែឈើដែលសម្បូរទៅដោយជាតិសរសៃ និងសារជាតិ pectin ដែលអាចគ្រប់គ្រងជាតិស្ករក្នុងឈាមយ៉ាងមានប្រសិទ្ធភាព។ Pectin នៅក្នុងផ្លែប៉ោមក៏មានប្រសិទ្ធភាពក្នុងការកាត់បន្ថយកូឡេស្តេរ៉ុលក្នុងឈាម ការពារផលវិបាកនៃសរសៃឈាមបេះដូងដោយសារជំងឺទឹកនោមផ្អែមបានយ៉ាងល្អ។ ដូច្នេះការញ៉ាំផ្លែប៉ោមមួយផ្លែក្នុងមួយថ្ងៃគឺជាវិធីមួយសម្រាប់អ្នកជំងឺទឹកនោមផ្អែមដើម្បីធានាដល់សុខភាពរបស់ពួកគេ។
ក្រូច
ផ្លែក្រូចសម្បូរទៅដោយវីតាមីន C ដែលអាចជួយអ្នកជំងឺទឹកនោមផ្អែមបង្កើនភាពស៊ាំ និងបន្ថយជាតិពណ៌ស្បែកដែលបណ្តាលមកពីជាតិស្ករក្នុងឈាមខ្ពស់។ ជាងនេះទៅទៀត ដោយសារតែផ្លែក្រូចមានជាតិស្ករទាប យើងអាចធានាបានថាការទទួលទានផ្លែក្រូចនឹងមិនធ្វើឱ្យកម្រិតជាតិស្ករក្នុងឈាមកើនឡើងនោះទេ។
ម្នាស់
ម្នាស់សម្បូរទៅដោយជាតិសរសៃ ដែលមានអត្ថប្រយោជន៍ច្រើនក្នុងការការពារសុខភាពពោះវៀន។ លើសពីនេះទៅទៀត ពួកវាសម្បូរទៅដោយវីតាមីន B1 ដែលមានប្រសិទ្ធភាពខ្ពស់ក្នុងការការពារផលវិបាកដែលបណ្តាលមកពីជំងឺទឹកនោមផ្អែម។ លើសពីនេះ បរិមាណជាតិស្ករក្នុងផ្លែម្នាស់មានកម្រិតទាប ដូច្នេះអ្នកជំងឺមិនចាំបាច់ព្រួយបារម្ភថា ការទទួលទានម្នាស់នឹងធ្វើឱ្យជាតិស្ករក្នុងឈាមកើនឡើងនោះទេ។ ទោះជាយ៉ាងណាក៏ដោយ យើងមិនគួរញ៉ាំម្នាស់លើសពី 3/4 ពែង ដើម្បីគ្រប់គ្រងជាតិស្ករក្នុងឈាមនោះទេ។
ផ្លែស្ត្របឺរី
ផ្លែស្ត្របឺរីគឺជាផ្លែឈើដែលមានកាឡូរីទាបបំផុត។ លើសពីនេះទៅទៀត ផ្លែស្ត្របឺរីសម្បូរទៅដោយវីតាមីន និងសារធាតុរ៉ែ ដែលអាចជួយឱ្យរាងកាយកាត់បន្ថយជាតិស្ករក្នុងឈាមបានយ៉ាងមានប្រសិទ្ធភាព។ ផ្លែស្ត្របឺរីក៏សម្បូរទៅដោយវីតាមីន A ដែលការពារជំងឺភ្នែកដែលបណ្តាលមកពីជំងឺទឹកនោមផ្អែម។ ដូច្នេះហើយ ផ្លែស្ត្របឺរី គឺជាផ្លែឈើដ៏ល្អសម្រាប់អ្នកជំងឺទឹកនោមផ្អែម៕
