Testosterone គឺជាអ័រម៉ូនភេទបុរស ភ្ញោចចំណង់ផ្លូវភេទ សុខភាពឆ្អឹង និងសាច់ដុំ ផលិតមេជីវិត និងការដុះសក់ ។ អ្នកអាចបាត់បង់អ័រម៉ូន testosteroneនេះទៅតាមអាយុរបស់អ្នក ព្រមទាំងជំងឺរ៉ាំរ៉ៃ ។ ខាងក្រោមនេះគឺជាអាហារមួយចំនួនដែលជួយបង្កើនអ័រម៉ូនភេទ និងរក្សាឱ្យបានគង់វង្ស ៖
១-ត្រីធូណា ៖ ត្រីធូណាសម្បូរទៅដោយវីតាមីន D ការបរិភោគត្រីនេះអាចបង្កើនអ័រម៉ូន Testosterone ដោយធម្មជាតិយ៉ាងមានប្រសិទ្ធភាព ។
២-ទឹកដោះគោ និងស៊ុតពណ៌ក្រហម ៖ ទឹកដោះគោដែលមានជាតិខ្លាញ់ទាប និងស៊ុតពណ៌ក្រហមគឺជាប្រភពដ៏អស្ចារ្យនៃប្រូតេអីន និងជាតិកាល់ស្យូម ។ វីតាមីន D ដែលមានក្នុងអាហារទាំងពីរនេះអាចគ្រប់គ្រងកម្រិតអ័រម៉ូន Testosterone ។
៣-អយស្ទ័រ ៖ ជាតិស័ង្កសី គឺជាសារធាតុចិញ្ចឹមដែលមានសារៈសំខាន់សម្រាប់ការលូតលាស់ក្នុងកំឡុងពេលពេញវ័យ ឥទ្ធិពលរបស់វាក៏អាចគ្រប់គ្រងកម្រិតអ័រម៉ូនបុរសផងដែរ ។ អយស្ទ័រមានជាតិរ៉ែស័ង្កសីក្នុងកម្រិតមួយដ៏ច្រើន ដែលអាចដោះស្រាយបញ្ហាថយចុះកម្រិតអ័រម៉ូន Testosterone ។
៤-ដំឡូង ៖ សារធាតុកាបូអ៊ីដ្រាតមានសារៈសំខាន់យ៉ាងខ្លាំងក្នុងការផលិតអ័រម៉ូន Testosterone ។ ចំណែកឯដំឡូងគឺជាប្រភពដ៏ច្រើននៃសារធាតុកាបូអុីដ្រាតក្នុងការបង្កើនអ័រម៉ូន Testosterone ហើយវាក៏មានសារធាតុចិញ្ចឹមក្នុងបរិមាណដ៏ខ្ពស់ផងដែរ ។
៥-កាហ្វេ ៖ ជាតិកាហ្វេអ៊ីនដែលមានក្នុងកាហ្វេរំញោចប្រព័ន្ធសរសៃប្រសាទ និងធ្វើឲ្យអ្នកមានភាពពុះកញ្ជ្រោលកាន់តែខ្លាំង ។ វាថែមទាំងបង្កើនកម្រិត CAMP (អ្នកបញ្ជូនសារទីពីរ) ដែលនាំឱ្យកើនឡើងការផលិតអ័រម៉ូន Testosterone ។
៦-ទំពាំងបាយជូរ ៖ ទំពាំងបាយជូរ គឺជាអ្នកប្រឆាំងនឹងការរលាក និងសម្បូរទៅដោយសារធាតុប្រឆាំងអុកស៊ីតកម្មដូចជា Resveratrol ដែលសារធាតុនេះមានទំនាក់ទំនងទៅនឹងការកើនឡើងអ័រម៉ូន Testosterone និងបន្ថយកម្រិតអ័រម៉ូន Estrogen នៅក្នុងការសិក្សាមួយចំនួន ។
៧-ខ្ញី ៖ ខ្ញីមានសារធាតុសកម្ម Gingerol ដែលជាភ្នាក់ងារប្រឆាំង នឹងការរលាកដ៏ខ្លាំងក្នុងរាងកាយ ។ ការសិក្សាជាច្រើនបានកត់សម្គាល់ឃើញថា កម្រិតអ័រម៉ូន Testosterone មានការកើនឡើង១៧% បន្ទាប់ពីការទទួលទានថ្នាំគ្រាប់ខ្ញី ៕
