តើអ្នកធ្លាប់ឆ្ងល់ទេថា ហេតុអ្វីបានជាសូម្បីតែបន្ទាប់ពីចំណាយប្រាក់រាប់ពាន់ដុល្លារលើផលិតផលថែរក្សាស្បែកក៏ដោយ វាមិនមានប្រសិទ្ធភាពអ្វីសោះដូចទៅនឹងអ្វីដែលអ្នកចង់បាន ។ ពេលខ្លះ ទម្លាប់ថែរក្សាសម្រស់របស់អ្នក មានប្រសិទ្ធភាពខ្ពស់លើមិត្តរបស់អ្នក តែមិនមែនលើស្បែកអ្នក។ តើនេះមកពីអ្វីទៅ?
១. អ្នកកំពុងប្រើផលិតផលខុសសម្រាប់ប្រភេទស្បែករបស់អ្នក
មុននឹងឈានដល់ការថែរក្សាស្បែក អ្នកត្រូវចំណាយពេលដើម្បីស្វែងយល់ពីប្រភេទស្បែករបស់អ្នក។ នេះនឹងផ្តល់ឱ្យអ្នកនូវចំណេះដឹងសំខាន់ថា អ្វីដែលត្រូវប្រើលើស្បែករបស់អ្នក ។ ផលិតផលមួយចំនួនដែលអ្នកប្រើ អាចមិនមែនជាអ្វីដែលស្បែកអ្នកត្រូវការ ដូច្នេះហើយការដឹងពីប្រភេទស្បែករបស់អ្នកមានសារៈសំខាន់ណាស់។
២. អ្នកមានទម្លាប់ញិចមុនដោយខ្លួនឯង
ដើម្បីឱ្យទម្លាប់ថែរក្សាស្បែករបស់អ្នកផ្តល់លទ្ធផលដែលអ្នកចង់បាន អ្នកត្រូវយកដៃរបស់អ្នកចេញពីមុខរបស់អ្នក។ ការដែលរពឹសដៃពេក មិនល្អសម្រាប់ស្បែកមុខអ្នកឡើយ។ បញ្ឈប់ការប៉ះមុខរបស់អ្នក មិនត្រឹមតែអាចជូយអ្នកមិនឱ្យបន្តកើតមុននោះទេ តែវាក៏អាចជួយកុំឱ្យអ្នកមានអារម្មណ៍ទើសនឹងមុខរបស់អ្នកខុសរបៀបដែរ។ នេះក៏ព្រោះតែការញិចមុនដោយខ្លួនឯង អាចធ្វើឱ្យមុនរបស់អ្នកឡើងមិនឈប់ និង បង្កជាស្នាមមិនងាយព្យាបាល។
៣. អ្នកគេងមិនគ្រប់គ្រាន់
ការគេងមិនលក់ប៉ះពាល់ដល់ស្បែករបស់អ្នកយ៉ាងខ្លាំង។ ការគេងអនុញ្ញាតឱ្យស្បែកជួសជុលដោយខ្លួនវា ដូច្នេះវាសមហេតុផលថា ដោយការគេងមិនបានគ្រប់គ្រាន់ ស្បែករបស់អ្នកទទួលរងនូវផលវិបាកជាច្រើន ដែលសូម្បីតែគ្រឿងថែសម្រស់របស់អ្នកទិញរាប់រយដុល្លារ ក៏ពិបាកនឹងជួយស្រោចស្រង់ផងដែរ៕
