នៅពេលឡើងមុន តើអ្នកតែងតែធ្វើបែបណា? ញិច ឬ មិនញិច? ប្រសិនបើអ្នកចូលចិត្តញិចមុនដោយខ្លួនឯង ចូរគិតឡើងវិញម្តងទៀត ក្រោយពីអាន/ស្តាប់ អត្ថបទនេះចប់។ នេះក៏ព្រោះតែការញិចមុន មានផលប៉ះពាល់ជាច្រើន ទៅដល់ស្បែកមុខរបស់អ្នក។
១. អ្នកនឹងធ្វើឱ្យស្បែករបស់អ្នកមានស្នាម
ប្រសិនបើវាជាមុនខ្ទុះជ្រៅ ការញិចនឹងនាំឱ្យមានស្នាមរបួសយ៉ាងជ្រៅនៅលើផ្ទៃមុខរបស់អ្នក។ ដូចជាអ្វីដែលអ្នកឃើញអ៊ីចឹង ឈាមដែលចេញមកពីស្នាមមុននោះ គឺច្រើនដូចទៅនឹងការមុតដៃទៅហើយ។
២. វាធ្វើឱ្យអ្នកមានមុនកាន់តែច្រើន
ការញិចមុនមួយចេញ នឹងនាំឱ្យមានមុនផ្សេងទៀតកើតមានឡើង។ បាក់តេរីនិងខ្ទុះនៅក្នុងមុនមួយ រាលដាលទៅផ្នែកផ្សេងទៀតនៃមុខ ដែលបង្កទៅជាមុនផ្សេងទៀត។ នេះនឹងក្លាយទៅជាវដ្តនៃមុន ដែលទាមទារការព្យាបាលមួយយ៉ាងត្រឹមត្រូវ។
៣. វាពន្យឺតដំណើរការជាសះស្បើយ
មុន គឺជាសញ្ញាដែលរាងកាយរបស់អ្នកមានប្រតិកម្មទៅនឹងភាពកខ្វក់ និងបាក់តេរី។ ប្រសិនបើអ្នករង់ចាំយូរបន្តិច មុនប្រហែលជាស្ងួត និងរួញដោយខ្លួនវា។ ប្រសិនបើអ្នកប្រញាប់ញិចវានោះ វាប្រឈមនឹងបញ្ហាក្លាយ ហើយពិបាកនឹងជាសះ។
៤. អ្នកនឹងបង្កជាស្នាមរហែកលើស្បែក
នៅពេលដែលអ្នកញិចមុន អ្នករុញសារធាតុផ្សេងៗនៅក្នុងនោះចេញមកក្រៅ ដោយធ្វើឱ្យស្បែករបស់អ្នករហែក។ ទម្រាំតែវាអាចជាមកដូចដើម វាទាមទាររយៈពេល១៤ថ្ងៃ ក្នុងការជាមកវិញ ប្រសិនបើមិនក្លាយ៕
