បបូរមាត់ពណ៌ផ្កាឈូកដែលមានសុខភាពល្អ គឺជាលក្ខណៈពិសេសទាក់ទាញនៃមុខរបស់មនុស្ស។ ប៉ុន្តែកត្តាមួយចំនួនដូចជាភាពចាស់ និងការបំផ្លាញដោយពន្លឺព្រះអាទិត្យជាដើម ពិតជាអាចប៉ះពាល់ដល់បបូរមាត់ និងធ្វើឱ្យវាឡើងខ្មៅងងឹតទៅតាមពេលវេលា។ មានវិធីជាច្រើនដែលអ្នកពិតជាអាចធ្វើឱ្យបបូរមាត់របស់អ្នកភ្លឺថ្លា និងមានពណ៌ផ្កាឈូកម្ដងទៀត។ ប៉ុន្តែតើអ្នកធ្លាប់ឆ្ងល់ទេថា តើបបូរមាត់ខ្មៅដោយសារអ្វី? ខាងក្រោមនេះជាទម្លាប់៤យ៉ាង ដែលធ្វើឱ្យបបូរមាត់ខ្មៅ។
១. មិនផ្តល់សំណើមដល់បបូរមាត់
បបូរមាត់ស្ងួត និងប្រេះ អាចបណ្តាលឱ្យបបូរមាត់ប្រែពណ៌។ ដើម្បីរក្សាបបូរមាត់របស់អ្នកឱ្យមានសុខភាពល្អ វាជារឿងសំខាន់ក្នុងការផ្តល់ជាតិទឹក និង លាបក្រែមលាបមាត់ល្អ ដើម្បីចិញ្ចឹមបបូរមាត់របស់អ្នក។ រកមើលគ្រឿងផ្សំដូចជា ប៊ឺកាកាវ និង ប្រេងអូលីវ ពេលទិញក្រែមលាបបបូរមាត់។
២. មិនបានប្រើប្រាស់ក្រែមការពារកម្តៅថ្ងៃ
ដូចជាស្បែករបស់អ្នកដែរ បបូរមាត់របស់អ្នកអាចទទួលបានការរលាកដោយពន្លឺព្រះអាទិត្យផងដែរ។ ដូច្នេះហើយ អ្នកត្រូវតែការពារបបូរមាត់របស់អ្នកពីកាំរស្មី UV ដ៏អាក្រក់។ លាបក្រែមលាបមាត់ការពារកម្តៅថ្ងៃ មុនពេលអ្នកចេញពីផ្ទះ។
៣. ការជក់បារី
បបូរមាត់ខ្មៅក៏អាចបណ្តាលមកពីការជក់បារីជាប្រចាំដែរ។ នៅពេលដែលអ្នកស្រូបផ្សែងបារី ជាតិនីកូទីន និង កៅស៊ូ នឹងមកជាប់នៅលើបបូរមាត់ ដែលបណ្តាលឱ្យប្រែពណ៌ជាយថាហេតុ។
៤. កង្វះការថែទាំបបូរមាត់
នៅពេលនិយាយអំពីការថែរក្សាស្បែក យើងតែងតែមិនអើពើនឹងការថែរក្សាបបូរមាត់។ អ្នកត្រូវតែបញ្ចូលបបូរមាត់ទៅក្នុងទម្លាប់ថែរក្សាស្បែករបស់អ្នកផងដែរ។ អ្នកអាចកែប្រែបបូរមាត់របស់អ្នកឱ្យមានពណ៌ស្រស់ស្អាតឡើងវិញ ដោយការម៉ាស្សាប្រេងអាល់ម៉ុនជារៀងរាល់យប់។ ការម៉ាស្សាជាប្រចាំ នឹងជួយសម្រួលដល់លំហូរឈាម និង ឱ្យមានពណ៌ស្អាត៕
