ការក្រហាយចុងដង្ហើម គឺជារោគសញ្ញាទូទៅបំផុតនៃជំងឺច្រាលទឹកអាស៊ីតក្រពះ ដែលជាជំងឺដែលកើតឡើងនៅពេលដែលសារធាតុនៅក្នុងក្រពះច្រាលត្រលប់ទៅបំពង់អាហារវិញ។ ទោះជាយ៉ាងណាក៏ដោយ ប្រសិនបើអ្នកជួបប្រទះការក្រហាយចុងដង្ហើមញឹកញាប់ វាមិនមែនដោយសារតែអ្នកមានជំងឺនោះទេ។ អាហារមួយចំនួន អ្នកញ៉ាំអាចបណ្តាលឱ្យក្រហាយចុងដង្ហើម។ ខាងក្រោមនេះគឺជាអាហារមួយចំនួនដែលត្រូវបានគេដឹងថា អាចបង្កឱ្យមានការក្រហាយចុងដង្ហើម។
១. អាហារដែលមានជាតិខ្លាញ់ខ្ពស់
តើអ្នកមានការក្រហាយចុងដង្ហើមភ្លាមៗបន្ទាប់ពីញ៉ាំដំឡូងបំពង ឬភីហ្សាមែនទេ? អាហារសម្បូរជាតិខ្លាញ់ គឺជាមូលហេតុដ៏សំខាន់នៃការក្រហាយចុងដង្ហើម ជាពិសេសអាហារជាតិខ្លាញ់។ ការសិក្សាឃើញទំនាក់ទំនងរវាងអាហារដែលមានជាតិខ្លាញ់ និងជំងឺច្រាលអាស៊ីតក្រពះ ហើយដោយសារតែច្រាលអាស៊ីតក្រពះហ្នឹងហើយ ទើបមានការក្រហាយចុងដង្ហើម។
២. សូកូឡា
សារធាតុផ្សំនៅក្នុងសូកូឡាដូចជា កាហ្វេអ៊ីន និងកាកាវ បង្កើនការប៉ះពាល់បំពង់អាហារទៅនឹងអាស៊ីត និងបង្កឱ្យមានការក្រហាយចុងដង្ហើម។ វាមិនច្បាស់ទេថាតើការមិនទទួលទានសូកូឡាសោះ នឹងផ្តល់អត្ថប្រយោជន៍ដល់អ្នកដែលមានការក្រហាយចុងដង្ហើមដែរឬទេ។ ប៉ុន្តែវាត្រូវបានបង្ហាញថា អាចកាត់បន្ថយរោគសញ្ញាចំពោះមនុស្សមួយចំនួនបាន។
៣. អាហារហឹរ
ក្នុងចំណោមអាហារទាំងអស់ដែលបណ្តាលឱ្យក្រហាយចុងដង្ហើម អាហារហឹរជាប់ចំណាត់ថ្នាក់កំពូល។ អាហារហឹរអាចធ្វើឱ្យរលាកបំពង់អាហារដែលរលាករួចហើយ ដែលអាចបណ្តាលឱ្យក្រហាយដង្ហើម ឬធ្វើឱ្យរោគសញ្ញាក្រហាយទ្រូងដែលមានស្រាប់កាន់តែអាក្រក់ទៅៗ។ ប្រសិនបើអ្នកជាអ្នកទទួលទានអាហារហឹរជាប្រចាំ ហើយមានអារម្មណ៍ឆេះក្នុងទ្រូងរបស់អ្នករាល់ពេល សូមព្យាយាមកាត់បន្ថយការទទួលទានរបស់អ្នក ហើយពិនិត្យមើលថាតើរោគសញ្ញារបស់អ្នកបានធូរស្រាលឬអត់៕
