ខាងក្រោមនេះ យើងខ្ញុំនឹងបង្ហាញអ្នកពីសញ្ញាដែលអាចបង្ហាញប្រាប់អ្នកថាអ្នកនឹងមានអាយុវែង។ តើមានអ្វីខ្លះទៅ?
- នៅពេលដែលអ្នកតែងតែមានអារម្មណ៍ល្អ គិតអ្វីដែលវិជ្ជមានច្រើន មិនឆាប់មួលម៉ៅ មិនឆាប់ខឹង មិនពិបាកចិត្ត និងមិនជ្រួញចិញ្ចើមច្រើន នោះអ្នកនឹងអាចក្លាយជាមនុស្សម្នាក់ដែលមិនសូវកើតជំងឺផ្សេងៗនោះទេ។ ជាពិសេស ជំងឺធ្ងន់ធ្ងរទាំងឡាយក៏មិនងាយមករកអ្នកផងដែរ។
- នៅពេលដែលអ្នកតែងតែគេងលក់ស្រួលជារៀងរាល់យប់ ដោយគេងឆ្អែត និងគ្រប់ម៉ោង នោះប្រព័ន្ធការពាររាងកាយអ្នកនឹងរឹងមាំខ្លាំងណាស់។ ជាហេតុដែលធ្វើឲ្យអ្នកមិនងាយកើតជំងឺផ្សេងៗនោះទេ។ ដូចនេះ អាយុរបស់អ្នកនឹងវែងតាមនោះដែរ។
- បុគ្គលដែលមានដៃជើងកក់ក្តៅជានិច្ច ជាមនុស្សដែលមានឈាមដំណើរការបានល្អក្នុងរាងកាយ ដោយផ្គត់ផ្គង់បានគ្រប់គ្រាន់។ ប៉ុន្តែបើដៃជើងតែងតែត្រជាក់ មានន័យថាឈាមដើរមិនគ្រប់ឡើយ។
- នៅពេលដែលធ្មេញរបស់អ្នករឹងមាំខ្លាំង ដោយមិនមានពុកផុយក៏ជាសញ្ញាប្រាប់អ្នកថាសុខភាពអ្នកល្អដែរ ដោយមិនងាយប្រឈមនឹងជំងឺផ្សេងៗឡើយ។ ដូចនេះ អ្នកនឹងជាបុគ្គលដែលមានអាយុវែងណាស់៕
