ឆ្អឹងដែលបាក់ហើយ តែងតែធ្វើឲ្យអ្នកជំងឺរងនូវការឈឺចាប់ខ្លាំងបំផុត។ ការសម្រាកបានច្រើន និងការប្រើថ្នាំលេបគឺជារឿងត្រូវតែធ្វើដើម្បីជួយឲ្យឆ្អឹងនោះឆាប់ជាមកវិញ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខណៈពេលដែលគ្រូពេទ្យធ្វើការព្យាបាលតាមលក្ខណៈបច្ចេកទេសឲ្យឆ្អឹងដែលបាក់នោះជាប់គ្នាវិញដោយការប្រើដែកអប់ពីលើឆ្អឹង អ្នកជំងឺផ្ទាល់ក៏ត្រូវញ៉ាំអាហារដើម្បីបង្កើនការជាប់របស់ឆ្អឹងនោះបន្ថែមទៀតដែរ។
រចនាសម្ព័ន្ធដំបូងគេរបស់ឆ្អឹងគឺត្រូវបានបង្កើតឡើងដោយកូឡាជែន កាលស្យូម និងផូស្វ័រកកកុញក្នុងទម្រងជាជាតិរ៉ែ។ ជាតិរ៉ែទាំងនេះហើយ ជាអ្នកធ្វើឲ្យឆ្អឹងរឹងមាំ។ ការកង្វះវីតាមីន D ក្នុងរាងកាយក៏អាចធ្វើឲ្យកើតជាជំងឺផុយឆ្អឹងបានដែរ។
ប្រូតេអ៊ីន កាលស្យូម វីតាមីន D, K ប៉ូតាស្យូម ម៉ាញ៉េស្យូម និងស័ង្គសី គឺជាសមាសធាតុដ៏សំខាន់សម្រាប់លូតលាស់ឆ្អឹងប្រកបដោយសុខភាពល្អ។ ការញ៉ាំអាហារដែលសម្បូរទៅដោយជីវជាតិទាំងនេះត្រូវបានធានាថា នឹងជួយបង្កើនល្បឿននៃឆ្អឹងដែលបាក់ឆាប់ជាប់គ្នាវិញ។
កាលស្យូម
ការបង្កើនការញ៉ាំអាហារសម្បូរជាតិកាលស្យូមនឹងជួយធ្វើឲ្យឆ្អឹងកាន់តែរឹងមាំ។ អាហារទាំងនោះមានដូចជា យ៉ាអួ បន្លែពណ៌បៃតង សណ្តែកសៀងជាដើម។ តាមការសិក្សាបានឲ្យដឹងថា ក្មេងដែលមិនញ៉ាំទឹកដោះគោប្រឈមខ្ពស់នឹងការបាក់ឆ្អឹងមុនពេលគេពេញវ័យ។
វីតាមីន D
វីតាមីន D ជាសមាសធាតុដ៏សំខាន់មួយសម្រាប់សុខភាពឆ្អឹង ព្រោះវាជួយបង្កើនការបឺតស្រូបជាតិកាលស្យូម។ ពន្លឺព្រះអាទិត្យគឺជាប្រភពដ៏សំខាន់នៃវីតាមីន D។ អាហារសម្បូរវីតាមីន D មានដូចជា ត្រីសាលម៉ុង និងធូណា។
វីតាមីន K
ការញ៉ាំអាហារសម្បូរវីតាមីន K ច្រើនបំផុតនឹងកាត់បន្ថយអត្រានៃការបាក់ឆ្អឹងសន្លាក់ត្រគៀកខ្លាំងបំផុតដែរ។ ប្រភពវីតាមីន K ដែលល្អនោះគឺ បន្លែពណ៌បៃតង។
អាហារដែលជួយបង្កើនការជាប់របស់ឆ្អឹងបាក់
អាហារដែលគ្រូពេទ្យតែងតែណែនាំឲ្យញ៉ាំដើម្បីជំនួយដល់ការជាប់ឡើងវិញរបស់ឆ្អឹងនោះមានដូចជា ស្ពៃក្តោប ប្រូខូលី ពោតបារាំង សណ្តែកបណ្តុះ ល្ហុង ដំឡូងបារាំងជាដើម។ (អាន:ថ្នាំងងុយគេង ពេលអ្នកគួរប្រើ)
ទោះបីជាយ៉ាងណាក៏ដោយ បន្លែ និងផ្លែឈើដែលសម្បូរជាតិប៉ូតាស្យូម និងម៉ាញ៉េស្យូមពេក នឹងផ្តល់ភាពអាលកាឡាំងដល់រាងកាយ ដែលអាចទប់ស្កាត់ការបឺតស្រូបជីវជាតិទៅចិញ្ចឹមឆ្អឹងវិញ៕