ភាគច្រើន ការហើមកជើង គឺជារឿងធម្មតាសម្រាប់ស្ត្រីមានផ្ទៃពោះ ប៉ុន្តែ វាក៏ជារឿងដែលស្ត្រីជាច្រើនមិនចង់បានផងដែរ។ អំឡុងពេលមានផ្ទៃពោះ ជាតិទឹកបានបន្ថែមនៅក្នុងរាងកាយស្រ្តី ហើយសម្ពាធនៃការលូតលាស់ស្បូនអាចបណ្តាលឲ្យហើមនៅនឹងកជើង និងប្រអប់ជើង។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការហើមទំនងជាអាក្រក់ទៅៗនៅពេលដែលជិតដល់ថ្ងៃសម្រាល និងអំឡុងពេលអាកាសធាតុក្តៅ។
(អាន:ថ្នាំងងុយគេង ពេលអ្នកគួរប្រើ)
ទោះបីជាការហើមភ្លាមៗលើមុខ ឬដៃ អាចជាសញ្ញានៃជំងឺត្រៀមក្រឡាភ្លើងក៏ដោយ ប៉ុន្តែការហើមតិចតួចនៅនឹងកជើង និងប្រអប់ជើងជាធម្មតា គឺមិនជាមូលហេតុដែលនាំឲ្យអ្នកព្រួយបារម្ភនោះទេ។
ដើម្បីជួយបន្ថយ ឬការពារការព្រួយបារម្ភពីការហើមជើងទាំងនោះ ចូរសាកល្បងធ្វើនូវជំហានដូចខាងក្រោមនេះ ៖
- ជៀសវាងការឈរយូរ
- សណ្តូកជើងរបស់អ្នកនៅពេលអង្គុយ និងជៀសវាងការខ្វែងជើងគ្នា
- ឧស្សាហ៍ពត់ខ្លួននៅពេលដែលអង្គុយយូរ
- គេងផ្អៀងទៅខាងឆ្វេង
- ផឹកទឹកឲ្យបានគ្រប់គ្រាន់
- ហែលទឹក
- មានលំហាត់ប្រាណជាទៀងទាត់
- ព្យាយាមនៅក្នុងកន្លែងត្រជាក់នៅក្នុងអាកាសធាតុក្តៅ។
សូមទាក់ទងទៅគ្រូពេទ្យ ប្រសិនបើអ្នកសម្គាល់ឃើញមានហើមមុខ ជុំវិញភ្នែក ឬហើមខ្លាំងនៅនឹងដៃ។ សូមប្រាប់គ្រូពេទ្យភ្លាមៗផងដែរ ប្រសិនបើអ្នកមានការហើមគ្រប់កន្លែង ឬប្រសិនបើជើងម្ខាងហើមជាងជើងម្ខាង៕