ក្រោយមិនដែលកាត់ក្រចកដៃសោះអស់៦៦ឆ្នាំ Shridhar Chillalមកពីឥណ្ឌាដែលជាម្ចាស់កំណត់ត្រាពិភពលោកខាងមានក្រចកដៃវែងបំផុតបានកាត់វាចេញនិងតម្កល់វាទុកក្នុងសារមន្ទីរមួយ។
បុរសអាយុ៨២ឆ្នាំនេះ មិនដែលបានកាត់ក្រចកទេចាប់តាំងពីឆ្នាំ១៩៥២ នៅពេលគាត់អាយុ១៤ឆ្នាំ ។ពេលត្រូវបានវាស់ជាលើកចុងក្រោយ ក្រចកដៃសរុបរបស់គាត់មានប្រវែង៩,០៩៦ម៉ែត្រ ប្រវែងស្មើឡានក្រុងមួយ។គ្រាន់តែម្រាមដៃមួយមានក្រចកប្រវែង១,៩៧៨ម៉ែត្រ។
តាមពិតម្ចាស់ជើងឯកក្រចកវែងបំផុតនេះ ជួបការលំបាកច្រើនដោយសារតែក្រចកមិនធម្មតារបស់គាត់ ចាប់តាំងពីការរកការងារធ្វើ រកប្រពន្ធនិងការប្រយ័ត្នប្រចាំនាទីក្រែងវាប៉ះអ្វីមួយដែលបណ្តាលអោយវាបាក់។
ទោះជាយ៉ាងណា ការលំបាកនេះត្រូវបានដោះស្រាយ ដោយសារមន្ទីរមួយនៅអាមេរិកបានរៀបចំពិធីកាត់ក្រចកនេះកាលពីថ្ងៃពុធទី១១កក្កដា និងដឹកលោកមកកាន់ឥណ្ឌាវិញ។
ដោយសារទុកក្រចកវែងយូរឆ្នាំពេក ដៃឆ្វេងរបស់Chillal ស្ទើរតែពិការ និងមិនអាចបើកប្រអប់ដៃឬកម្រើកម្រាមដៃបានរហ័សទេ៕
ក្រោយកាត់ក្រចកដៃ លោកShridhar Chillalក្លាយជាមនុស្សមានសេរីភាពម្នាក់
ប្រភព៖ rasmeinews.com